Goi-mailako hezkuntzan ekonomia soziala eta kooperatibismoa sustatzeko nazioarteko jardunaldia Bilbon

Nazioarteko jardunaldiak amaiera emango dio Mondragon Unibertsitateak lideratu duen ‘MyDigiCoop’ europar proiektuari.
Card image cap
2023/01/12

2023ko otsailaren 9an, nazioarteko jardunaldia antolatuko du Mondragon Unibertsitateko Humanitate eta Hezkuntza Zientzien Fakultateak. Ekitaldiak amaiera emango dio MyDigiCoop europar proiektuari. Joan Subirats Espainiako Gobernuko Unibertsitate Ministroak hartuko du parte Bilbao AS Fabrik-en egingo den jardunaldian.

Jardunaldia egingo da Mondragon Unibertsitateko Humanitate eta Hezkuntza Zientzien Fakultateak lideratzen duen MyDigiCoop nazioarteko proiektuaren testuinguruan. Hiru dira jardunaldiaren helburuak: lehena, unibertsitate eta goi-mailako hezkuntzan ekonomia soziala eta kooperatibismoaren lantzearen garrantzia eta pertinentziaz aritzea, bigarrena, hausnarketarako espazioa sortzea eta, hirugarrena, Europa dauden esperientzien partekatzea. 

MyDigiCoop-en elkarlanean ari dira, batetik, Europako hiru unibertsitate entzutetsu: Mondragon Unibertsitateko Humanitate eta Hezkuntza Zientzien Fakultatea, Errumaniako Sibiuko Lucian Blaga Unibertsitatea (ULBS) eta Finlandiako Haaga-Helia Zientzia Aplikatuen Unibertsitatea (HAAGA-HELIA), eta, bestetik, eskarmentu handiko hiru enpresa txiki eta ertainek ere parte hartzen dute proiektuan: Senior Europa, SL (Kveloce, Espainia); Gestionet Multimedia (Gestionet, Espainia); eta Unibertsitate Ekintzaile eta Konprometituen Akreditazio Kontseilua (ACEEU, Alemania). Partaide horien guztien helburua da goi-mailako hezkuntzako ikasle eta hezitzaileen artean mentalitate soziokooperatiboa hedatzea eta sustatzea.

MyDigiCoop proiektuak besteak beste bi emaitza ditu, alde batetik, goi mailako hezkuntzako ikasleeak ekintzailetza sozial kooperatiboan ahaldutzean trebatzeko plataforma interaktibo ireki bat garatu da eta bestetik, plataforma horren erabilerarako zein goi mailako hezkuntzan gaia lantzeko irakasleendako ekintzailetza sozial kooperatiba lantzeko eta sustatzeko gidalerroak jasotzen dituen gidaliburua egin da.  

 

IREKITA DAGO IZEN-EMATEA

Jardunaldia irekita dago interesa duten guztiei, baina, bereziki dago zuzenduta goi-mailako hezkuntzako ikasle eta hezitzaileen artean mentalitate soziokooperatiboa hedatzea eta sustatzea nahi duten horiei, esaterako, unibertsitatean gaia landu nahi duten irakasle, ikerketa talde eta ikasleak zein ekonomia sozialeko agenteei.

EGITARAUA

  • 09:30 Harrera, erregistroa eta kafea. 
  • 10:00 Ongi etorria eta sarrera hitzak. Vicente Atxa, Mondragon Unibertsitateko Errektorea. 
  • 10:15 Ekintzaletza sozial kooperatiboa eta digitalizazioa. Nagore Ipiña, Mondragon Unibertsitateko Humanitate eta Hezkuntza Zientzien Fakultateko dekanoa.
  • 11:00 Ekonomia soziala eta kooperatibismoa goi-mailako hezkuntzaren esparruan. Joan Subirats Espainiako Gobernuko Unibertsitate Ministroa. (Online)
  • 11:30 Galderak eta iritzi trukerako tartea.
  • 12:30 Bazkaria.
  • 13:30 MyDigiCoop proiektuaren emaitzak plazaratzea. Paula Alvarez Mondragon Unibertsitateko Humanitate eta Hezkuntza Zientzien Fakultateko ikertzailea. 
  • 14:30 Europako unibertsitate ezberdinetan ekintzailetza sozial kooperatiboan eta kooperatibismoan oinarritutako esperientziak: Haaga-Helia (Finlandia), ULBS (Rumania), ACEEU (Alemania), Mondragon Unibertsitatea (Euskal Herria). 
  • 17:00 Itxiera.

Irakaskuntza unibertsitate zentroa