Gizarte ekonomia erreferentea da Europan

Gizarte Ekonomia gure inguruko errealitatea izateaz gain, bere kontzeptua eta filosofia modu zabalean izan da aitortua Estatuan, Europan zein nazioartean.
Card image cap
Göteborgen azaroan egin zen Nazioarteko Konferentzian Euskadiko gizarte-ekonomia protagonista erreferentziala izan zen.
2018/01/03

Testuinguru honetan, badira hainbat erakunde, institutu, behatoki... urtetik urtera gizarte ekonomiako eragileen ikerketak egiten dituztenak. 

  • Gizarte ekonomiaren atlasa - GEZKI

Gizarte Ekonomiako Euskal Behatokiak, esate baterako, Euskal Autonomia Erkidego mailako atlasa eguneratu du oraintxo. Bertan, kooperatiben eta elkarte zein fundazioen inguruko datuak biltzen dira. Gainera, aukera ematen du azterketa geografikoak egiteko, adierazle mota desberdinen arabera.

Xehetasunetan sartu gabe, irakurketa azkarra egiteko aukera ematen du. Atlasa kontsultatzeko lotura hau erabili daiteke: http://46.226.108.156/GEZKI/Atlasa_2016/atlas.html

  • Euskadiko kooperatiben egoerari buruzko txostena- KONFEKOOP

Euskadiko Kooperatiben Konfederazioak 1.110 kooperatiba biltzen ditu, Euskadiko Barne Produktu Gordinaren %7 baino gehiago sortzen dutenak. 

Kooperatiben errolda:

Gizarte ekonomiaren atlasa-datuak

 

Lurraldeka:

Gizarte ekonomiaren atlasa-datuak

 

Bazkide eta kooperatiben eboluzioa:

Gizarte ekonomiaren atlasa-datuak

 

  • Gizarte-ekonomia, erreferente Europan

Göteborgen azaroan egin den Nazioarteko Konferentzian Euskadiko gizarte-ekonomia protagonista erreferentziala izan da. Konferentzia hau, egun bat beranduago Suediako hirian Eskubide Sozialen Europako Zutabea berretsi zuen Bidezko Enplegurako eta Hazkunderako Europar Batasuneko Gailur Sozialean kokatzen da. Europako Zutabearen helburu nagusiak dira hauek dira, batik bat: ekonomia sozialagoak eta bidezkoagoa defendatzea; soldata eta bizi-maila hobeak lortzea; eta langileentzako babes berriak eta lan-eskubideen aplikazio zorrotzagoa bermatzea.

Göteborgen izan ziren MONDRAGON Taldeko hainbat ordezkari, Eusko Jaurlaritzaren eta beste erakunde askotako ordezkari eta agintariekin batera.

Konferentziatik atera ziren ondorioak, Europar Batasuneko estatuburu eta gobernuburuei aurkeztu zitzaizkien. Gaiarekin lotuta, eta hurrengo urteetara begira, 2018-2020 Europako Ekintza Plana lantzeko eskaera luzatu zen, gizarte-ekonomiaren enpresak eta haien nazioartekotzea sustatzeko.  

Testuinguru honetan, Eusko Jaurlaritza 2018an indarrean jartzeko lantzen ari den Kooperatiben Lege berriaren garrantzia nabarmendu zen. Modu berean, Euskadiko gizarte-ekonomia osatzen duten familiak bultzatzera eta finkatzera bideratu duen laguntza-pakete garrantzitsua aditzera eman dute. Helburu horretara 4 milioi euro bideratu dira, iaz baino %20 gehiago, gutxi gorabehera 230 enpresa-proiektu eta 850 enplegu sortzen lagundu duena.

Oharra: datu hauek TU Lankide aldizkarian publikatu dira.