Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
Erreka Plasctics kooperatibak lantegi berria inauguratu du Txinan
Zhuhai (Canton) hirian inauguratu du Erreka Plastics kooperatiba antzuolarrak lantegi berria. Hala, dagoeneko lau lantegi ditu; Antzuolan (Gipuzkoa), Queretaron (Mexiko), Zhuhain (Txina) eta Olomuc-en (Txekiar errepublika). Lantoki berriarekin Txinako automozio merkatuari aurre egingo dio, munduko handiena, eta aldaketa teknologiko zein mugikortasun elektrikoaren garapena bertatik bertara bizitzeko aukera izango du.
Lantegi berria Joint Venture bat da Txinako enpresa batekin, plastikozko injekzio arloan diharduen enpresa batekin hain justu ere. Errekak urtetako harremana du aipatu enpresarekin eta mundu mailako proiektuei aurre egin diete biek ala biek elkarrekin.
Inauguratu berri dituzten instalazioetan makina eta produkzio sistema berriak txertatu dituzte, baita kudeaketa sistema aurreratua ere
Inauguratu berri dituzten instalazioetan makina eta produkzio sistema berriak txertatu dituzte, baita kudeaketa sistema aurreratua ere, Errekak bere lantegi guztietan martxan duen eredua aplikatu du Txinan ere.
Injekziozko plastikozko piezen fabrikazioan erreferente
Lantegi berriaren inaugurazioarekin Errekak aurrera pausu bat eman du bere sektorean eta bereziki Injekziozko plastikozko piezen fabrikazioan erreferente bilakatzeko automozioaren arloan. Era berean, mundu mailan bere bezeroek beharrak egoki hornitzeko aukera ere eskaintzen die lantegi berriak, Txinan ziurtatuz Europan eta Amerikan eskaintzen duen kalitate maila berbera.