Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
Bihar, uztailak 4, Kooperatiben Nazioarteko Eguna ospatzen da
Iñigo Albizuri CICOPA-ko lehendakariak bideo honetan nabarmendu duenez, "kooperatibak klima-aldaketari aurre egiteko konpromisoa hartu dute, eta horri aurre egiteko neurriak hartzen ari dira, adibidez, garraio berdea, energia garbiak ezartzea…". Era berean, COVID-19 birusak eragindako krisian, "kooperatibek frogatu dute badutela gaitasuna pandemia horri gizarte-ekintzen bidez aurre egiteko, elkartasunari eutsiz".
Klima-aldaketa
Berotegi-efektua eragiten duten gasen emisioak %50 hazi dira 1990eko datuekin alderatuta. Gainera, berotze globalak aldaketa iraunkorrak eragiten ditu klima-sisteman, eta horren ondorioak atzeraezinak izan daitezke berehala premiazko neurririk hartzen ez bada. «Kooperatibak eta klimaren aldeko ekintza» da aurtengo gaia, eta, horren bidez, klimaren aldeko ekintzari buruzko Garapen Jasangarriaren Helburua (GJH) (13) landu eta lagundu nahi da.
Klima-aldaketak ondorio larriak ditu mundu osoko pertsonen bizitzan, bereziki egoera ahulenean dauden taldeengan, hala nola nekazari txikientzat, emakumeentzat, gazteentzat, herri indigenentzat edo gutxiengo etnikoentzat, muturreko hondamendi naturalei eta baliabide naturalen degradazioari aurre egin behar baitiete.
Kooperatiben Nazioarteko Eguna
Nazio Batuen Kooperatiben Nazioarteko Eguna urtero ospatzen da uztailaren lehen larunbatean. Ospakizun horren helburua kooperatibak ezagutaraztea da, Nazio Batuen eta nazioarteko kooperatiba-mugimenduaren xede eta helburu osagarriak nabarmentzea, Nazio Batuek aurre egin behar dieten arazo nagusiak konpontzeko mugimendu kooperatiboak egindako ekarpenak azpimarratzea eta nazioarteko kooperatiba-mugimenduaren eta beste eragile batzuen arteko harremanak indartzea eta zabaltzea.