Irakurriena
- 1. Gipuzkoako Bazkundeak saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
Basque Culinary Centerreko 100 ikasleek Arabako Errioxako bi bodega bisitatuko dituzte eta mahatsa biltzen ibili dira
Basque Culinary Centerren Gastronomiako eta Sukaldaritzako Arteetako Graduko –Espainiako Gastronomia Zientzien aurreneko fakultateko– lehen ikasturteko 100 ikasleek gaur eta datorren astelehenean Araba Errioxako bi bodega bisitatuko dituzte eta mahatsa biltzen hartuko dute parte, prozesua ezagutzeko. Bisita horiek Arabako Foru Aldundiaren eta Basque Culinary Centerren arteko hitzarmenaren barruan daude kokatuta eta hitzarmenak Arabako nekazaritzako elikagaien sektorea sustatzea du helburu.
Borja Monjek, Nekazaritza saileko diputatuak, positibotzat hartu du bisita hau, ospe handiko zentro honetako ikasleek “mahats ekoizpen metodoak eta Araba Errioxan egiten den ardo bikaina” ezagutzeko aukera emango dielako. Gainera, honen harira, Basque Culinary Center-eko ikasleak, etorkizuneko sukaldariak direnak, Araban ekoizten diren produktuak ezagutzearen garrantzia azpimarratu du, horrek bikaintasuna lortzea lagunduko bait
Arabara egingo duten ikas-ibilaldia Produktu eta lehengaien irakasgaian dago jasota eta nekazaritzako elikagaien prozesuak ikastea du xede, kasu honetan ardoa egiteari loturikoak.
Ikasleek erreferenteak diren bi bodega bisitatuko dituzte, Samaniegoko Ramirez de Ganuza upategia eta Eltziegoko Marques de Riscal upategia. Zehazki, 50 ikaslek gaur, hilaren 21ean, bisitatuko dituzten upategi biak, eta mahatsa biltzen hartuko dute parte, lan hori gertutik ezagutzeko. Gainerako 50ek gauza bera egingo dute astelehenean, hilaren 28an.