%83an hazi da Lea Artibai Ikastetxearen langabetuentzako prestakuntza eskaintza

Lea Artibai Ikastetxeak nabarmenki handiagotu du langabetuentzako prestakuntza eskaintza 2013-2014 ikasturtera begira. Lanaren euskal zerbitzua den Lanbidek finantzatutako 16 ikastaroren eskaintza izango du Markina-Xemeingo ikastetxeak eta 5.285 ordu eskainiko dira guztira prestakuntzan, eskualdeko 300 pertsona prestatzeko asmoz.
Card image cap
2012-2013 ikasturtean 2.885 ordutako 9 ikastaro eskaini ziren eta horiei esker parte hartzaileen %14ak lana aurkitu zuen.
2013/11/22

Orduak eta prestakuntza eskaintza igo izanaren arrazoia aurreko urtean mota honetako prestakuntzan partaide guztiei lan praktikak enpresetan egiteko aukera emateak eskaera handitu izana eta laneratze emaitza onak lortu izana da. 2012-2013 ikasturtean 2.885 ordutako 9 ikastaro eskaini ziren eta horiei esker parte hartzaileen %14ak lana aurkitu zuen ikastaroei esker instituzio eta enpresetan egindako praktikak direla eta.

Besteak beste D.M.P. S.L (Mendaro), Itxas Natura S.L.(Oiartzun), Kauxot S.L. (Markina-Xemein), Desarrollos de Proyectos Hidraulicos, S.L. (Markina-Xemein) Nemak, S.L. (Etxebarria), Cikautxo S.Coop. (Berriatua), Egile Corporation XXI S.L. (Mendaro), Etxesoft Technologies & Consulting, S.L. (Durango), Hotz Berri, S.L. (Ondarroa), Urkitor S.A. (Eibar) enpresetan laneratu dira.

Hezkuntza zentrotik jakinarazitakoaren arabera beraien helburu nagusiena  jendea laneratzea da eta hori dela eta enpresa eta instituzioekin daukaten harremana hobetzearen alde egiten dutela apustu. Azken bost urteetan %83an hazi da Lea Artibai Ikastetxearen langabetuentzako prestakuntza ikastaroen eskaintza.

Irakaskuntza teknikoa