Irakurriena
- 1. Gipuzkoako Bazkundeak saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
“Minutu bat egunero”, pobrezia desagerrarazteko pauso bat
On line egingo den kanpaina bada ere, Oñatiko Ulma kooperatiban hasita, astero astero kooperatiba ezberdin batera eramango da kanpaina langileak pausoa ematera animatzeko.
Biztanleriaren %1ak ia mundu mailako aberastasun osoaren ia erdia du, 1.200 milioika pertsonek euro bat baino gutxiagoren truke lan egiten duten bitartean. Ezbairik gabe, hori onartzen duen mundu batek arazo larria du. Geldirik egon gaitezke arazo honen aurrean; edo, aitzitik, gure eskuetan dagoen guztia egiten saiatu, nahiz eta keinu txikiak izan. Azken hori da Mundukidek proposatzen duena “Minutu Bat Egunero” kanpainaren bitartez.
Egunero 8 ordu igarotzen ditugu gure lanpostuan, 480 minutu zehatzago izateko. Mundukide GKEak 1999tik egiten du lan Mozambike, Brasil eta Kubako milioika pertsonen bizi-baldintzak hobetzeko. Oraingoan, egunero lan egiten ditugun 480 minutuetatik minutu bakarrari dagokion soldata xedatzea du helburu, orain arte Fundazioak egindako lanak jarraipenerako laguntza izan dezan.
www.unminutoaldia.org webgunearen bitartez, edonork izango du beste pertsonei hilean behin eman nahi dien emaitza kalkulatzeko aukera.
Mundukidek bazkideak erakartzeko kanpaina hau jarri du abian, datorren astelehenean, hilaren 17an izango den Pobrezia Erauzteko Nazioarteko Egunaren bezperetan, helburu birekin:
- Gizartea sentsibilizatu egindako keinu txikiekin, denok aldaketa handiak lortu ditzakegula. 1.200€ irabazten duen pertsona batek, eta minutu bat egunero emateko prest dagoenak aukera berak izan ez dituen bati soilik 2,5€ emango dizkio hilean. Edonola ere, pertsona asko ekintza horretara batzen badira, mundua aldatzeko aukerek gora egiten dute nabarmen.
- Mundukideri Mozambike, Brasil eta Kubako pertsona gehiagoetara heltzeko bazkideak lortu nahi ditu, bertakoen oinarrizko baldintzak ziurtatu eta lana egiteko aukera izan dezaten, lana baita bizitza askoren aldaketarako motorra.