Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
‘Kooperatiben kudeaketarako gakoak: Arrasateko esperientzia’ MOOC kurtsoa abian jarriko du Mondragon Unibertsitateak
Urrian bertan jarriko da martxan eta modu irekian eskainiko da, online. Ez da ordaindu behar eta partehartzaileei ez zaie inolako aurrebaldintza akademiko edo profesionalik eskatzen.
‘Kooperatiben kudeaketarako gakoak: Arrasateko esperientzia’ ikastaroaren helburuak hurrengo hauek dira:
- Kooperatibagintza eta ekonomia sozial eta solidarioren inguruan gogoeta egitea.
- Arrasateko kooperatiba esperientzia ezagutzea.
- Ekonomia sozial eta solidarioko erakunde eta enpresak era eraginkorrean kudeatzeko zenbait gako ezagutzea.
- Hezkuntzaren garrantziaz hausnartzea gizarte eraldaketa prozesuetan.
Ikastaroa lau moduluz osatuta dago:
- Ekonomia sozial eta solidarioa XXI. mendean, kooperatibismoa egungo gizarte erronken testuinguruan aztertuko da.
- Arrasateko Kooperatiba Esperientzia. Esperientzia honen errealitatea, historia, oinarrizko ezaugarriak eta bultzatzaile izan den J.M. Arizmendiarrietaren pentsamendua aztertuko dira.
- Ekonomia sozial eta solidarioko erakunde eta enpresak era eraginkorrean kudeatzeko zenbait gako. Gako hauek Arrasateko Kooperatiba Esperientziatik eratorriak dira. Parte-hartze integralean oinarritzen den MONDRAGON taldeko gestio eredua, pertsonen gestioa eta kooperatiben arteko elkartasun tresnak aztertuko dira bereziki.
- Gizarte eraldaketa prozesuetan oro har hezkuntzak jokatzen duen funtsezko papera. Bereziki Arrasateko kooperatiba esperientziaren jatorrian izan duen garrantzia azalduko da. Era berean gure hezkuntza ereduaren ezaugarriak ezagutaraziko dira.
Eunate Elio eta Leire Uriarte doktoreak eta Mondragon Unibertsitateko irakasleak izango dira kurtso honen arduradunak.
Informazio gehiago:
• Web honetan:
https://mooc.mondragon.edu/courses/Kooperatibagintza/Kudeaketa/Arrasateko-esperientzia/about
•Eta sare sozialetan:
Twitter: twitter.com/MUkoopMOOC @MUkoopMOOC
Facebook: facebook.com/MUkoopMOOC
Linkedin: www.linkedin.com/company/mukoop-mooc