Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
‘Ilusio Ponpak’ jardunaldiak pertsonen kudeaketako motibazioa landu du
‘Ilusio Ponpak’ jardunaldiaren hirugarren edizioak ez dio inori hutsik egin gaur Lea Artibai Ikastetxean. Izena emanda zeuden ehun pertsona baino gehiagok, gehienak kooperatiba eta MONDRAGON alorrekoak, gozatu dute Antonio Fernández-Álvarez Renault Consulting España-ko zuzendari nagusiarekin; Aurkene Gabiola Maier kooperatibako Giza Baliabideen zuzendariarekin; Alex Txikon alpinista eta abenturazalearekin; eta Carlos Andreu garapen pertsonalean eta motibazioan espezializatua den coach ezagunarekin.
Jardunaldiak bere hirugarren edizioan lan alorreko motibazioa landu du. Giza baliabide eta pertsonen kudeaketa, lan talde motibatuak lortzeko erakundeetatik sortutako ekimenak, erronka eta norbere burua gainditzeko gogoa... Hizlari zein entzuleek hainbat kasu ezagutu dituzte eta oso gustura gelditu dira.
Alex Txikon
Alpinista eta abenturazalea den Alex Txikonek, oso komunikatzaile ona eta gertukoak, mendian izan dituen esperientziak kontatu ditu eta “erronka berriei aurre” egitearen inportantziaz ere hitz egin du. Esan duen bezala, “porrota aurre ez egitea litzateke”.
Carlos Andreuk ere motibazio eta desmotibazioaz hitz egin du, “enpresetan zombiak bezala jokatzen duten pertsonak eta lehen minututik bideratuak izan behar direnak”.
Lea Artibai Ikastetxea TB
Ekitaldiak ikastetxeko telebistaren lehen lanetako bat burutzeko balio izan du. Lea Artibai Ikastetxea komunikazio esparruan apustua egiten ari da, bai euskarri digitalean zein paperean. Gaurko ekitaldiko elkarrizketak eta irudiak grabatzeaz gain, aldizkaria banatu dute.