MONDRAGONen 983 arigune prest

Azaroaren 20tik abenduaren 4ra gauzatuko den Euskaraldiaren bigarren ediziorako MONDRAGON Korporazioko 44 kooperatibak guztira 983 arigune erregistratu dute: 587 barne arigune eta 396 kanpo arigune.
2020/10/21

Kike Amonarriz, Topaguneko lehendakariak, balioan jartzen du MONDRAGON Taldeak euskararen alorrean lortu duena. Modu berean, eginiko bidearen garrantzia azpimarratuz, "oraindik ere bide luzea dugu egiteko" baieztatu du.

Euskaraldia euskara ulertzen duten hiztunen arteko ahozko hizkuntza ohiturak aldatzeko ariketa sozial masiboa da. Helburu nagusia euskararen erabilera handitzea da.

Ariketa horretan aritzeko gutxieneko baldintza euskara ulertzea da. Horrela, 2018ko edizioan izan zen moduan, aurten ere hiztun bakoitzak rol bat aukeratuko du: ahobizi ala belarriprest.  Alabaina, bigarren edizio honek badu berrikuntza: entitateek ere parte hartze zuzena izan ahal dute “ariguneak” garatuz. Ariguneak edo euskaraz aritzeko guneak dira euskaraz hitz egiteko aukera bermatzen dute uneak, izan entitate barruan (barne arigunak) edo izan entitateak herritarrekin duen harremanean (kanpo ariguneak).

Ariguneak identfikatzeko deialdiari erantzunez, MONDRAGONen 44 kooperatibak erregistratu zituzten ariguneak. Guztira, 983 arigune:  587 barne arigune eta 396 kanpo arigune. Ez da makala! 

Euskaraldiarekin bat egin dute gure kooperatibek

Enpresa eta entitate bezala, erreferentzialtasunaz baliatuta, Euskaraldiari eta euskararen erabilerari bultzada eman nahi izan diote publikoki. 

 

Basque Culinary Center:

Aizega, Basque Culinary Center

 

FAGOR Taldea:

Leire Okarantza, FAGOR

 

LABORAL Kutxa: 

Xabier Egibar-Laboral Kutxa

 

MONDRAGON Taldea:

Zigor Ezpeleta-MONDRAGON

 

Mondragon Unibertsitatea: 

Vicente Atxa-MU