MONDRAGONek bere azken soluzioak aurkeztu ditu Bienalean

Ikerlan, Ideko, Soraluce, Danobat, Fagor Automation, Ulma Embedded Solutions, LKS Next, MSI Grupo eta Fagor Arrasate kooperatibek euren soluzio eta produktu berrienak aurkeztu dituzte makina erremintaren Bienalean.
2022/06/15

Azokarako gogoa zegoen, berriz elkartzeko gogoa, hurbiltasunetik elkar eragiteko gogoa, kontaktu eta negozio berriak egiteko gogoa, elkar ukitzekoa, azken nobedadeak bertatik bertara ikustekoa, elkarrizketan aritzekoa eta tratu komertzialak ixtekoa.

Azokarako gogoa zegoen eta, batez ere, Bienalerako gogoa, euskal industriaren hitzordu garrantzitsuena baita BIEMH. Eta MONDRAGONek, bere hitzorduari leial, ez du hutsik egin, eta erakusketako metro askorekin eta maila oso altuko zerbitzu eta produktuen eskaintzarekin gerturatu da Bilbora.

3D6A2483.JPG

Elgoibarko Ideko berrikuntza zentroko ordezkariak, euren stand-aren aurrean.

Askorentzat erreferentziazko elkargunea da Bienala, bezeroekin eta hornitzaileekin egoteko aukera eskaintzen duena. 

Danobatgroup-ek Soraluce eta Danobat marken berrikuntzak ekarri ditu, Ikerlanek ekoizpen digitalizatuko plantaren adibidea besteak beste, Idekok bere soluzio berritzaileenak, Fagor Automationek bere gaitasuna, Ulma Embedded Solutions-ek bere ingeniaritza proiektu onenak eta LKS Nextek iClouden esparruan duen ezagutza guztia.

Zuzendaritza, marketin eta komunikazio taldeetako ordezkariak, zuzendariak, kudeatzaileak eta enpresa kooperatiboetako ordezkariak... Asko izan dira Bilbon elkartu direnak egunotan. Helburua berriz, merkatua hedatu.

3D6A2498.JPG

Ikerlaneko lan-taldea, Bienalean.

Tulankidek MONDRAGONeko kooperatibetako ordezkari askorekin hitz egin du, 2022ko BIEMH azokari  tenperatura hartu guran. Iragarpen guztiak betetzen badira, azken urteetako jendetsuena izango da.

3D6A2464.JPG

Fagor Automationeko lan taldea.

Argazki guztiak honako bilduman. TULANKIDEBIEMH2022

MONDRAGON taldeko makina-erreminta dibisioa

Makina erremintaren diseinua eta fabrikazioa

Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.

Automatizazio produktuen garapena eta fabrikazioa eta makinaria kontrola

Makina erreminta eta fabrikazio teknologien zentro teknologikoa

Ikerketa zentro teknologikoa

Irtenbide profesionalak.

Makina erreminta