Apirilaren amaierarako hilero 10 milioi maskara kirurgiko ekoitziko ditu Bexen Medical-ek Espainiako Gobernuarentzat

Bexen Medical-eko eta Mondragon Assemblyko zuzendari nagusiek Medikamentuen Espainiako Agentziako zuzendariarekin izandako aurreneko hartu-emanen ondoren, bi kooperatibok eskaera garrantzitsua jaso dute maskara kirurgikoak ekoizteko.
2020/03/27

Gaur astebete, Carlos Asuagak (Bexen Medical-eko zuzendari nagusia) eta Luis Mari Imazek (Mondragon Assemblyko zuzendari nagusia) Mendikamentuen Espainiako Agentziako zuzendariaren deia jaso zuten, eta hark oso eskaera zehatza egin zien: ahalik eta denbora gutxienean, ahalik eta maskara kirurgiko gehien ekoiztea. 

MONDRAGONeko bi kooperatibak lanean jarri ziren, biek ala biek euren ezagutzatik; Bexen Medical-ek maskara ekoizpenean duen urtetako esperientziatik eta Mondragon Assemblyk horrelako produktuak egiteko gai diren makinak ekoizteko duen ezagutzatik. 

Hala, astebete beranduago, proiektua dagoeneko martxan dago eta helburua ez da edonolakoa: "Apirilaren amaierarako 10 milioi maskara kirurgiko ekoitzi". Helburuak betez gero, Bexen Medical bilakatuko da maskarak ekoizteko Estatuko lantokirik handiena. 

Lanpostuen sorrera

Inbertsioa inportantea izan da eta Bexen Medical-ek enplegua sortzeko aukera izango du.Izan ere, makinak euren gaitasunaren %100ean egoterakoan, hiru lan-txandatan, 20 bat lanpostu sortuko dira. 

Muntaketa automatikoaren sistemak

Aldi baterako medikuntza materialen fabrikazioa