Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
Eusko Jaurlaritzako Lanbide Heziketako sailburuordea Lea Artibai ikastetxean izan da bisitan
Atzo, azaroaren 9an, Lanbide Heziketako sailburuordea Jorge Arévalo Turrillas, Teknologia eta Ikasketa aurreratuen zuzendaria Rikardo Lamadrid Intxaurraga, Antolakuntza eta Planifikazioko zuzendaria Nicolás Sagarzazu Alzua eta Teknikako Garapen Jasangarriko arduraduna Mª Jose Barriola Baraibar, Markina-Xemeinen dagoen (Bizkaia) Lea Artibai ikastetxean izan ziren. Isabel Mendiguren Ikastetxeko zuzendariarekin, Maite Bengoa Lanbide Heziketako arduradunarekin eta Eneritz Azkue Lanerako Prestakuntzako arduradunarekin batu ziren.
Lea Artibai ikastetxea berrikuntza proiektuak garatzen, enpresentzako zerbitzu teknikoak lantzen, bere ikaslerian formazio duala bultzatzen edo erronketan oinarrritutako ikasketa ezartzen ari da etengabe, beste batzuen artean.
Lea Artibai ikastetxearen iniziatiba berritzaileak
Bisitan, Lea Artibai ikastetxeko Zuzendaritzak prestakuntzarako eta lanerako azken iniziatibak aurkeztu zituen. Azken proiektu berritzaileen artean, digital manufacturing, 3Dn inprimitutako materialak, 4.0 industrian plastikoen injekzioa eta estanpazio beroaren bidez lortu eta laser bidez moztutako UHSS altzairuzko pieza metalikoa lortzea daude. Era berean, hiru urteko esperientzia eta gero hain emaitza onak lortzen ari den Lean eskola ere badago proiektu berritzaileen artean.
Eusko Jaurlaritzako Sailburuordetzak bultzatuta Lea Artibai ikastetxeko ikasleek era berean lana egin eta ikasiaz %85eko laneratzeko emaitzak izan dituen Formazio Duala ezagutzeko aukera ere izan dute bisita honetan eta baita, TKgune, ETHAZI eta Urrats Bat programen emaitzak hurbiletik ezagutu ere.