Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
Jon Anakabek Amaia Egia ordezkatu du Leartikerreko zuzendari nagusi gisa
Leartikerrek Jon Anakabe izendatu du zentro teknologikoko zuzendari nagusi, eta 2010eko irailaz geroztik eginkizun horretan aritu den Amaia Egia ordezkatu du.
Leartikerreko zuzendaritza nagusiaren aldaketaren arrazoia 109/2015 Dekretuak Zientzia, Teknologia eta Berrikuntzaren Euskal Sarea osatzen duten Teknologia Zentroen Zuzendaritza Nagusiarentzat ezarritako doktore-tituluaren baldintza betetzea da.
Jon Anakabe polimeroen ingeniaria da London Metropolitan University-n eta Material Berriztagarrien Ingeniaritzan doktorea Euskal Herriko Unibertsitatean. Bere lan ibilbidea Leartikerreri lotuta egon da beti, 2004. urtean Lea Artibai Ikastetxearen baitan sortu zen eta zentro teknologikoaren sorreraren jatorria izango zen, materialen sail berrian lanean hasi zenetik. Irakaskuntzan eta kalitatearen kudeaketan epealdi labur bat egin ondoren, Anakabek 17 urteko ibilbidea burutu du Leartikerren, batez ere biopolimeroetan, fabrikazio gehigarrian eta osasun sektoreko gailuetan oinarritutako ikerkuntzan.
Hazkunde prozesu etengabe baten murgilduta eta aldaketaz betetako urte honetan, Leartikerreko zuzendari berriak aurreko zuzendaritzak markatutako ibilbidea jarraitzeko gogoz eta ilusioz hartu du bere kargu berria, zentro teknologikoa Leartiker 2025 Plan Estrategiko berrian gidatzeko erronkarekin: pertsona eta doktore kopurua sendotuz, 4,5M €-ko negozio-bolumenera iritsiz, ezagutzan gehiago espezializatu berezitasun eta erreferentzialtasun teknologiko handiagoa lortuz, nazioartekotzea indartuz… eta Leartiker familia eta lan-taldean duten talentu ikaragarria zainduz.