Ekintzailetasunaren eta berrikuntzaren dorrean presente egongo da MONDRAGON

MONDRAGON Korporazioa BAT (B Accelerator Tower) dorrean izango da, Bilbon. Helburua da enpresa proiektu berrien sustapena bultzatu, balio erantsi handiko proiektuen ekosisteman aritu eta beste enpresa zein agente batzuekin sinergian, interkooperazioan eta eguneroko hartu-emanean egotea.
Card image cap
2022/09/22

BAT (B Accelerator Tower) lankidetza proiektu 'erraldoi' bilakatzeko asmoz sortu da. Euskadin nagusi diren instituzioen babesari esker, munduan parerik ez duen zentroa da BAT; gai da tresna publikoak bateratu eta ekintzailetzaren eta berrikuntzaren zerbitzura jartzeko, zerbitzu diferentzialekin eta PWC nazioarteko sarearekin batera, eta Talent Garden zein Impact Hub-ekin lankidetzan.

Funtsezko pieza da nazioartean tokiko ekosistema eta sektore zein negozio berrien garapena elkartzeari dagokionez

Eusko Jaurlaritzak, Bizkaiko Foru Aldundiak eta Bilboko Udalak Euskadin ekintzailetza eta berrikuntzaren erreferente bilakatzeko egin duten apustuaren emaitza da BAT. Funtsezko pieza da nazioartean tokiko ekosistema eta sektore zein negozio berrien garapena elkartzeari dagokionez.

MONDRAGON, Ekintzailetasunaren dorrean

BATek askotariko zerbitzu eta programak eskaintzen ditu, beti ere berrikuntzan oinarritutako ekintzailetza sustatzeko asmoz. Hala, interkooperazio ekimen horretan Korporazioak ere parte-hartuko du MONDRAGON Sustapen Zentroaren, Eroskiren eta LABORAL Kutxaaren bitartez, beti ere, enpresa proiektu berrien sustapena bultzatu, balio erantsi handiko proiektuen ekosisteman aritu eta beste enpresa zein agente batzuekin sinergian, interkooperazioan eta eguneroko hartu-emanean egoteko.

Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.