Abantail eta Siemens enpresek Mendix Low-code tresna merkaturatzeko akordioa sinatu dute

Mendix Siemens Digital Industries Software-ren Low-code plataforma da.
Card image cap
2023/01/30
Abantail eta Siemens-ek merkatuko liderra den Mendix Low-code tresna merkaturatzeko akordio berria sinatu dute. Akordio horrek Mendix-en hazkundea azkartuko du merkatuan, eta enpresen eraldaketarako tresna berritzaileen eskaintzan Abantail-ek duen posizioa indartuko du.

Mendix Siemens Digital Industries Software-ren Low-code plataforma da. Aplikazio bisualak sortzeko sistema arin eta erraza. Ez dago kodea garatu beharrik; elementuak eraman eta askatu egiten dira pantailei, datuei eta logikari forma emateko. Horrela, edonork aplikazioak azkarrago eta baliabide gutxiagorekin garatu, integratu eta zabaldu ahal izango ditu.

Akordio horri esker, konponbide arin eta osoak eskain dakizkioke merkatuari, enpresek eraldaketa digitala bizkortzen lagunduz. Aldi berean, Abantail-ek Siemensekin duen harremana indartuko du, Siemens-en porfoliotik Abantailek merkaturatuko duen bigarren produktua izanik, RuleStreamekin batera.

Zer da Mendix

Mendix Siemensen Low-code plataforma da. Aplikazioen garapena erabiltzaile mota guztientzat eskuragarriagoa izatea ahalbidetzen duen tresna.

Mendix-en ezaugarrien artean honako hauek nabarmentzen dira:

Drag-and-drop funtzionalitatearekin ikus-modelatzea (arrastatu eta askatu) eta erabiltzaile-interfaze arin, intuitibo eta erraza.
Plataforma anitzeko aplikazioak garatzea, edozein gailutarako.
Aplikazioak aurrez konfiguratutako osagaiekin sortzeko aukera, hala nola elementuak, txantiloiak, konektoreak, etab.
Taldearen lankidetza errazten duten tresna integratuak, programatzaile adituek eta negozio-taldeak proiektuan modu aktiboan parte har dezaten ahalbidetuz.
Funtzionamendua hodeitik, malgutasuna, eskalagarritasuna eta eskariaren araberako garapena eskainiz.
Enpresaren datuak, sistemak eta zerbitzuak modu erraz eta seguruan integratzea, aurrez konfiguratutako konektoreen edo integrazio pertsonalizatuen bidez, barnean garatuta.

Enpresen Egokitze-Diseinu prozesuaren optimizazioa eta automatizazioa