Nola egin publizate iragarki on bat?

Euspot lehiaketako antolatzaileek formazioa eskaintzen ari dira formazio zentro ezberdinetan. Aurtengo gaia hauxe: Jarduera fisikoaren onurak. Mugitu eta bizi!
2019/03/01

Martxan da Euspot lehiaketa, euskarazko sormena bultzatzea eta publizitate arloan euskararen erabilera sustatzea helburu duen lehiaketa. Horretarako, antolatzaileek urtero gai desberdin bat proposatzen dute eta lehiakideek, nahi duten estilo, teknika eta baliabideak erabilita, erantzun beharko diote sormen erronka horri. Antolatzaileen asmoa da aurkeztutako lanei ahalik eta hedapen handiena ematea.

Baina, nola egin iragarki on bat? zer izan behar da kontuan horretarako? gai hauetaz eta berarekin loturiko beste hainbat kontuetan aritzen dira formazio saioetan. Formazio zentro ezberdinetan eskaintzen ari dira saioak, besteak beste: escuela de Cine y Video de Andoain, Kurtzebarri de Aretxabaleta, CENTA de Donostia, Mendizabala de Gasteiz,...

Ikasleek erakutsi duten interesa handia izan da eta antolatzaileek oso modu positiboan baloratu dituzte eginiko saioak. Modu berean, aurten parte hartzaile gehiago espero dute.

Gogoratu, lanak aurkezteko epea maiatzaren 15ean bukatzen dela.

Lehiaketa antolatzen dute: Aretxabaletako Udalak, Mondragon Unibertsitateko Humanitate eta Hezkuntza Zientzien Fakultateak  eta Arteman Komunikazioak.

Informazio gehiago: https://euspot.eus 

Irakaskuntza unibertsitate zentroa