Irakurriena
- 1. Gipuzkoako Bazkundeak saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
"Menuen ekoizpena %15era murriztu da krisian murgildu garenetik"
Tolosatik erantzun du Amaia Loidik TUlankideren deia. Bertan bizi da eta bertatik ari da telelana egiten, eta bizi dugun egoera konplexua jarraitzen. Une latza, iluna, gogorra... bizitzen ari da Ausolan, izan ere, "atzora arte 13.000 langile ginen, eta egunero 260 mila menu egiten genituen. Hori guztia gauzatzeko 16 sukalde handi ditugu eta horrela erantzuten genion bezeroari".
Koronabirusaren krisiak eztanda egin zuenetik, "%15 murriztu da menuen ekoizpena eta lan-taldea ere %15era murriztu da. Erabat ezezaguna den egoera bizi dugu eta oso gogorra izaten ari da". Era berean, Ausolanek badu ikuskizun eta ebentoetarako beste zerbitzu berezi bat, eta hori ere geldi dago egoerak bultzatuta.
Garbiketa zerbitzuak aktibitatea mantendu du eta eskaerak gora egin du arlo horretan. "Edozein modutan ere, egoera oso konplikatua da".
"17 emakume sortzaile eta ekintzailek egin bazuten, guk ere egingo dugu"
Egoera larria bada ere, Amaia Loidik ez du itxaropenik galtzen. "Orain 50 urte 17 emakume sortzaile eta ekintzailek lortu zuten enpresa bat martxan jartzea, eta bidea oso zaila izan zen haientzat. Haiek, orain 50 urte lortu bazuten, guk ere lortuko dugu orain. Ezin dugu itxaropenik galdu".