Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
"Intralogistikaren" gaineko ikasketa jardunaldia
Coprecik eraldaketa digitalaren aldeko apustu sendoa egin du eta arlo horretan zenbait proiektu jarri ditu abian. Horien artean intralogistika proiektua, lantokiko gainerako kudeaketa sistemei lotutakoa (ERP, MES, etb.). Aretxabaletako (Gipuzkoa) lantokian 4 produkzio sekzio eta biltegia dituzte, eta bertan modu erabat autonomoan 2 robots dituzte lanean.
Erik Etxaniz da Copreciko garapen arduraduna eta hark aurkeztu zuen duela bi urtetik hona garatu duten lana. Etxanizen esanetan, ez da soilik teknologia berri bat ezartzea "baizik eta logistika arloan lan egiteko ikuspegi berria garatzea, malgutasun eta arintasun gehiagorekin, kantitateak murriztuz, itzuleran pieza gehiago mugiaraziz eta bidean geldialdi gehiago eginez".
Garapen maila honetara iristeko etapa ezberdinak gainditu behar izan dituzte: Robots-flota ibilbideak aztertze sasoia, ibilbideen maparen definizioa eta trafiko arauen ezarpena, wifi errepikagailuen instalazioa robotek seinalea gal ez dezaten, IT ziberseguruaren arkitekturaren eraikuntza hacker-ak ekiditeko eta konektibitatea ziurtatzeko eta sistema guztien bateratzea (MIR-fleet flota-gestorea, ERP, MES), flota gestoreen konfigurazioa, erabilera profilen definizioa...
Abantailak, ordea, bistakoak dira: salmenta egitura handiagoak kudeatu daitezke stock-a murriztuz, era eskalablean, errotazio arazoak txikituz eta lan errepikakorrak egokituz.
Aretxabaletako (Gipuzkoa) lantokian 4 produkzio sekzio eta biltegia dituzte, eta bertan modu erabat autonomoan 2 robots dituzte lanean
Fagor Ederlanek 'logistika integralaren' ikuspegia aurkeztu zuen. Idoia Errasti, Fagor Ederlaneko arduradunak, horniketa-katea ikuspegi globalarekin aztertzea oso inportantea dela azaldu zuen. Hala, departamentu, prozesu, baliabide eta materialeen fluxu eta informazioa norabide berdinean aritzea oso garrantzitsua dela aipatu zuen. "Logistika integral eraginkorrak datuetan du oinarri eta denbora errealean informazioa kudeatzeko gaitasunean, erabakiak hartzeko eta hobekuntzak ezartzeko".
Intralogistikaren gainean, Errastiren lankide Unai Oses-ek, bere proiektu pilotua aurkeztu zuen diskoen mekanizaziorako plantan garatu dena. Kudeaketa logistikoak biltegiak, linea bazterrak, enbalajeak, mugikortasun elementuak eta beste informazio erantsiko sistemak hartzen ditu bere baitan.
Errasti eta Osesentzat "teknologia heldua da eta hornitzailearen etxean denak dirudi lorgarria baina produkzio plantara ekartzen denean aplikazioa, arazoak sortzen dira". Oso garrantzitsutzat jo zuten "logistikan aditua eta aritua den hornitzailea kontratatzea, ez soilik roboten arloan, baita hardware eta softwarean ere".