Metapostaren Pack Pyme aplikazioa, enpresa txikiei zuzenduta

Metapostak egiaztatu ahal izan duenez, bere zerbitzua erabili dezaketen igorle potentzial multzoa badago, baina askok ez dute ez bitarteko teknikorik ez giza baliabide nahikorik ere erakunde handiek (BBK, Iberdrola, Euskaltel...) egin dituzten moduko garapenak egiteko. Hori dela eta, Metapostak Pack Pyme aplikazioa jarri du martxan enpresa txikiendako. Aplikazio horrek eskainiko die enpresei Metapostan integratzeko beharrezkoa duten teknologia, langile eta baliabide espezializatuen beharrik gabe.
Card image cap
2011/10/03

Era honetan, enpresa txikiei, udal txikiei eta kirol taldeei haien bezero eta langileei dokumentazio-bidalketak egiterako orduan kostuak murrizteko aukera ematen die Metapostak.

Aplikazioa jada erabilgarri dago eta doakoa da. Dokumentuak bidaltzeagatik bakarrik ordaindu beharko da, eta bidalketetan %80ko aurrezpena baimentzen du.

Orain, edozein enpresak bidal ditzake Metapostaren bidez bere langileen nominak, bezeroen faktura elektronikoak edo bere hornitzaileen eskaerak, segurtasun eta konfidentzialtasun osoz.

Eta Metaposta zerbitzuaren erabiltzaile gisa, enpresek haien postontzian jaso ditzakete elektrizitate- eta  telefono-konpainien fakturak, eta bankuen laburpenak. Gainera, dokumentu gordailuan, enpresako dokumentazio garrantzitsua (eskriturak, notario-ahalordeak, entitate ezberdinen komunikazioak) gorde dezakete balio legalarekin digitalki sinatzen badute.

Enpresentzako abantailak

  • Langileei komunkazio elektronikoak bidaltzea.
  • Bezero, hornitzaile eta Administrazioari dokumentazio konfidentziala bidaltzea.
  • Kostuen aurrezpena.
  • Dokumentazioa gordetzeko toki segurua.

Ezaugarriak

  • Erabilpen erraza. Pack Pyme programa erabiltzeko ez da teknikaririk behar, oso aplikazio intuitiboa eta erabilerraza delako ordenagailuak erabiltzera ohituta daudenen artean, nahiz eta aplikazioen garapenarekin harremanik ez izan.
  • Auto-instalatzen den aplikazioa da.
  • Aplikazioa sistema eragile hauetan dabil: Windows XP, Windows Vista eta Windows 7.
  • Bidalketa seguruak. Dokumentu sorta bakoitza aldez aurretik balioztatzen du aplikazioak eta Metapostari bide seguru batetik bidaltzen dio bere hedapenerako.

Informazio gehiago duzue Metapostaren webgunean: http://www.metaposta.com/eu/pack-pyme.html