Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
"Etorkizunera begira, telelanaren eredua aintzat hartu beharko dugu"
LKS Next enpresak aspaldi ezarri zuen berean telelana. Eredu hori baliatuaz, asko dira etxetik lan egiteko aukera duten enplegatuak, eta egunerokotasunean etxetik lan egiteko aukera baliatzen dutenak. Telelanaren onurez, alderdi negatiboez, eta etorkizunean irekitzen diren aukerez aritu gara Ander Sansinenearekin. Donostiatik erantzun dio TUlankideren deiari, etxetik lanean diharduen honetan.
Telelana balioan jarriz
Aurreko astean LKS Next-ek telelanaren inguruan antolatutako webinar arrakastatsuan balioan jarri zituen Anderrek, telelanaren onurak, eta etorkizunera begira ere, MONDRAGONeko kooperatibetan aintzat izan beharreko eredua dela adierazi du. "Enpresaren produktibitatea, langilearen gogobetetasuna, kontziliazioa, estres murrizketa, gazteen erakarpena, enpresaren erreputazioaren gorakada... arlo horiek guztiak lortzen dira telelanarekin", dio Sansineneak.
Onurak gizartearentzat
"Gizartearentzat ere onurak ez dira nolanahikoak. CO2 ixurketak murrizten dira, Gipuzkoan esaterako autoaren erabilera murriztuz, urteko CO2 ixurketa 1.500 Tn gutxiagoa izan daiteke eta lan istripuak ere murrizten dira %1,4. Era berean, enpresek gastuak murrizten dituzte, gutxi gorabehera urteko 3.000 euro langileko eta, gainera, langileen produktibitatea handitzen da".