Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
MONDRAGON kooperatibetara hurbiltzen da, eta alderantziz
Batzorde Iraunkorrak zein Kontseilu Orokorrak eta Industrialak hainbat bilera egin dituzte dagoeneko, modu ibiltarian, zenbait kooperatibatan. Esperientzia oso positibo baloratu da, eta, orain, organoek beraiek taldeko kooperatiba guztietara hedatu nahi dute elkar ezagutzeko praktika hori. Horrenbestez, Batzorde Iraunkorreko eta Kontseilu Orokorreko lehendakariek gutun bat bidali berri diete kooperatibetako lehendakari guztiei, eta, bertan nabarmentzen dutenez, “helburua eta konpromisoa da Zentro Korporatiboa eta bere organo eta departamentuak MONDRAGON Korporazioa osatzen dugun kooperatibetara gehiago hurbiltzen laguntzea. Baita kooperatibei egitura zentral komunen funtzionamendua ezagutzeko aukera ahalbidetzea ere”.
Eta ekimenak harrera ona izan du. Dagoeneko, hainbat kooperatibak euren instalazioak jarri dituzte organo korporatiboen esku hileko bilerak egiteko. Halaber, beste batzuek interesa erakutsi dute zentro korporatibora hurbiltzeko, beren Kontseilu Errektoreen eta Zuzendaritza Kontseiluen bilerak egiteko.
Talde irekiagoa eta konektatuagoa
Ideiaren oinarrian dagoen helburua da “korporazio gertuagoa eta irekiagoa eraikitzea, eta gure pertenentzia zentzuan sakontzea”. Finean, elkarren arteko kontaktua erraztea, informazioa partekatzeko eta konfiantzazko inguruneak sortzeko, zeinek, aldi berean, lankidetzarako aukera berriak sortu ditzaketen enpresaren zein erakundetzearen arloan.
Helburu hori lortze aldera ezarri diren ekintzei dagokienez, azpimarratu daitezke Kontseilu Orokorreko lehendakaria eta Gestio Sozialeko zuzendaria ahalik eta kooperatiba gehienengana egiten ari diren bisitak. Halaber, Batzorde Iraunkorrak proposatu du bere hileko bileretatik gutxienez bost hainbat kooperatibatan egitea. Eta, azkenik, kooperatiba guztiak gonbidatu dira bere Kontseilu Errektoreen/Zuzendaritza Kontseiluen bilera bat zentro korporatiboan egitera.
Egitasmoan interesa duten kooperatibek izena eman dezakete, 943779307 telefonora deituz, edo mezu elektronikoa bidaliz: marife@mondragoncorporation.com