Crecer+ XXIII Inbertsio Foroa

Orkestra-Lehiakortasunerako Euskal Institutuaren (Deustuko Unibertsitatea) Crecer+ inbertsiogileen sareak, XXIII. Inbertsio Foroa antolatu du, aurtengo edizioa MONDRAGON Sustapen Zentroarekin elkarlanean. Hitzordua Garaia Parke Teknologikoan izan da, uztailaren 5ean.
Card image cap
2018/07/09

40 bat lagun gerturatu dira Garaiara XXIII. Crecer+ Inbertsio Foroan aurkeztutako ekintzaileen proiektuak bertatik bertara ezagutzeko. Aurtengo edizioa MONDRAGON Sustapen Zentroarekin elkarlanean antolatu dute.

Nagore Ardanza (Crecer+) eta Julián Gallardo (MONDRAGON Sustapen Zentroa) izan dira jardunaldia aurkeztu dutenak, eta, ondoren, Murli Bhamidipatik, ‘Bolueta Engineering Group’-eko Zuzendari Nagusiak, hartu du hitza.

XXIII Foro de Inversión de Crecer+

Bost proiektu ekintzaile

Hauek izan dira aurkeztu diren bost proiektu ekintzaileak:

Nutrinsect Spain SL, legez baimendutako intsektuak hazteko proiektua, nutrizio espezifikazioetan oinarrituta, proteina eduki handiko "neurrirako" irinak lortzeko, pertsonen eta animalien elikadurarako.

Valuecar, auto berriak online erosteko kontzesionarioen eroslea. Giltza eskuan 5 eskaintza lortu ditu, batez beste 4.000 euro aurreztuta. https://youtu.be/zJZRV5fyxeE 

Venturi Unmanned Technologies, SL, tripulaziorik gabeko hegazkinak, energia sektorean mantentze lanetako eta zaintzako ikuskaritzak egiteko.

Cocuus, Cooking Science, ostalariei etxetresna elektriko bat eta errezeta bilduma osoa ematen dien proiektua, teknologia laser berritzaile baten bidez, janaria eraldatzeko aukera ematen duena, aurkezpen ikusgarriak egiteko. Elikagaien 3D inprimigailuak baino askoz ere efizienteagoa da eta, horregatik, negozio eredu berriak sortzeko aukera ematen du. https://www.youtube.com/watch?v=bIzBMX04lFs

Stockare Rfid Solutions, aktiboen jarraipena (tracking) eta sentsorizatzea denbora errealean egiteko irtenbideak eskaintzen dituen proiektua. Dagoeneko hainbat proiektu pilotu jarri ditu abian. https://youtu.be/5hlO6V2JAFQ 

XXIII Foro de Inversión de Crecer+

Ekitaldiaren amaieran, ekintzaileek eta inbertsoreek networking espazio bat izan dute, aurkeztutako ideien inguruan sakontzeko eta etorkizuneko lankidetza-esparruen inguruan hausnartzeko.

 

Ikerketa eta berrikuntzarako ekipamenduak

Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.