The New Yorker aldizkariak MONDRAGON bisitatu du

Kooperatibaren ideia eta baloreak, oro har, eta MONDRAGON ereduak, bereziki, interesa pizten jarraitzen du munduan zehar, eta nazioarteko komunikabideak maiz hurbiltzen dira ereduaren arrakastaren gakoak ezagutzera.
Card image cap
Kazetariak MONDRAGONeko lehendakari Iñigo Ucinekin izan duen elkarrizketaren une bat.
2022/04/29

Kasu honetan Nick Romeo izan da, The New Yorker aldizkari estatubatuar ezagunaren kazetaria. Apirilaren 24an iritsi zen Arrasatera, Esperientzia Kooperatiboari buruzko erreportaje bat egiteko asmoz. Nick Romeok hainbat kooperatibatan egin du bisita aste osoan —hala nola Danobat, Ikerlan, Soraluce, Mondragon Assembly, LagunAro, Mondragon Unibertsitatea, Fagor Automation edo Arizmendi Ikastola—, eta elkarrizketa ugari egin ditu MONDRAGON kooperatiba-eredua eta haren etorkizuneko erronkak hobeto ezagutzeko.

Gainera, Maria Ubarretxena Arrasateko alkatea, José Antonio Altuna (JMA enpresaren sortzailea), Fred Freundlich Mondragon Unibertsitateko irakaslea eta Iñigo Ucin MONDRAGON Kontseilu Nagusiko lehendakaria ere elkarrizketatu ditu.

Bisita horren ondoren, erreportaje bat argitaratuko da The New Yorker aldizkarian. Gainera, ekonomia bidezkoago eta iraunkorrago bati buruz idazten ari den liburuan MONDRAGONi kapitulu berezi bat eskainiko zaio.

IMG_3821.JPG

Argazkian, Nick Romeo Osintxuko Soraluce lantegira egin duen bisitan, Rafael Idigoras kooperatibaren zuzendariarekin.  Soralucek fabrikatutako lehen produktuaren ondoan.

Makina erreminta