Irakurriena
- 1. Gipuzkoako Bazkundeak 2024ko Gipuzkoako Enpresa saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
Eroski hirugarren urtez egongo da BBK Live jaialdian
Eroski hirugarren urtez egongo da Bilbao BBK Live jaialdian, behin-behineko supermerkatu bat jarriko baitu kanpalekuan (PopUp Store bat). Saltokia, frankizia erregimenean kudeatua, hor egongo da jaialdiko kanpinlarien beharrizan guztietarako, hamar langilerekin
"Eroskikook berrikuntza komertzialak egiten ditugu gure saltoki formatuetan, gaur egungo kontsumitzailera egokitzeko. Espainian, banaketa enpresetan lehenak izan gara musika jaialdi batean supermerkatua irekitzen. Ekimenaren arrakasta dela eta, aurten berriz ipiniko dugu Kobetamendin", esan du Enrique Martinezek, Eroskiren Frankizia Saileko arduradunak. Iazko Bilbao BBK Liven, 120.000 pertsona agertu ziren guztira, eta 15.000 egon ziren kanpalekuan.
"Jaialdi bateko erronka handietako bat jendeari ahalik eta zerbitzurik onena ematea izaten da. Alde horretatik, azken urte hauetako jaialdietan oso ondo joan da Eroskirekin izan dugun esperientzia. Eboluzionatzea eta berritzea lortu dugu Bilbao BBK Liven supermerkatu bat ipinita; horri esker, kanpinlarien esperientzia askoz hobea da", azaldu du Bilbao BBK Liveko zuzendariak, Alfonso Santiagok.
Saltokia gaur uztailak 6 irekiko dute, jaialdia hasi bezperan, eta etengabe emango du zerbitzua hilaren 10era bitartean (igandea), hau da, kanpalekua irekia den azken egunera arte.
Lokalak 300 erreferentzia baino gehiago izango ditu: elikagaiak, produktu freskoak, drogeriako eta bazarreko produktuak, izozkiak eta okintzako produktuak.
"Jaialdian daudenek produktu fresko ugari eta ogi erre berria aurkituko dute",esan du Enrique Martinezek. “Horretaz gainera, gosaltzeko hainbat produktu izango dituzte, hala nola esnea, gailetak eta zerealak, baita jogurrak, entsaladak, izozkiak, edariak, frutak, hestebeteak eta bestelako mokaduak ere. Higiene pertsonalerako produktuak ere izango dira, eta, gainera, erabili eta botatzeko platerak eta mahai-tresnak, linternak, pilak, zirak, lo-zakuak... Hori guztia eremutik atera ere egin gabe”. Supermerkatuan edari hotzak ere egongo dira salgai.