ULMAk euskararentzako bidegorriak sustatzen jarraituko du

Arrakastatsua izan da irailaren 23ko “Bidegorriak euskararentzat” ekintza, bere osotasunean, eta pozik eta ilusioz agertu dira ULMAko antolatzaileak auzolanean egindako lanarekin. Baita Oñatiko herriak eman duen erantzunarekin ere.
Card image cap
2016/09/28

Euskarak bidegorriak behar dituela aldarrikatu zuten Ulmako langileek eta Oñatiko 3 ikastetxeetako LH6ko umeek. ULMA-Bidegorriak

150 pertsonak baino gehiagok 5 kilometroko ibilbidea egin zuten bidegorrian Ulmaz Ulma , “ULMA GARA, EUSKARA GARA” lemapean. Ibilbidean zehar,  Ulmako negozioetan egiten diren produktuak eta lanean euskara gero eta gehiago erabiltzeko euskara planetatik egiten den lana ezagutzeko aukera izan zuten.

Ibilbideak Oñatiko plazaraino eraman zuen tropela eta plazan Amaia Txintxurretak umeak dantzan jartzeko ardura izan zuen bi orduz.

ULMA-Bidegorriak

Festari amaiera emateko eta Ulmaren 55. urteurrena ospatzeko, Oñatiko Ganbara abesbatzak, Oinatz dantza taldeak eta KALAKAN musika taldeak kontzertu bikaina eskaini zuten San Migel elizan, bertaratu ziren ia 600 lagunen gozamenerako. Ospakizunari bukaera biribila eman zitzaion horrela.