2017-12-18T02:20:03+01:00

Tresna pertsonalak

TUlankide MONDRAGON

Ulma Taldeak siriar errefuxiatuen krisian laguntzen du, bere Fundazioaren bitartez

2015/10/13

Ulma Taldeak, bere Fundazioaren bitartez, bere bazkide eta langileei deia egiten die, ACNURekin lankidetzan arituta siriar errefuxiatuei laguntzeko. Kanpaina horri ekiteko, Ulma Fundazioak lehenengo 1.500€ jarri ditu, laguntzeko mekanika abian jarrita, nahi duenak modu erraz batean lagundu dezan.
Ulma Taldeak siriar errefuxiatuen krisian laguntzen du, bere Fundazioaren bitartez

Laguntza ACNUR, errefuxiatuak babesteko Nazio Batuen agentziaren bitartez gauzatuko da. Argazkia: ACNUR

Kanpaina irailean jarri zen martxan eta urtea bukatu arte iraungo du. Laguntzea nahi duenak dirua sartu dezake ACNURen kontuan ES42 3035 0081 36 0810045602, kontzeptuan Ulma adierazita. Beste aukera bat ACNUReko bazkide egitea eta horretarako www.acnur.es web orrian daude argibideak.

Aurretik ere, ACNURekin elkarlanean aritu izan da Ulma, 5 urte baino gutxiagoko haurren nutrizio txarra ekiditeko fondo bilketan. Maiatza eta ekainean, kolektiboaren erantzunari esker, 200 haurren baino gehiagoren nutrizio txarra ekiditen lagundu zen, haientzat barra energetikoak bilduz.

Gaur egun milioika siriarrek behar dute laguntza. Siriar errefuxiatuen larrialdia garaiko krisi humanitario handienetakoa baita.

Jada 4 milioi errefuxiatu baino gehiago eragin dituen gatazka izugarri batetik ihes ari diren gizonak, emakumeak, haurrak, zaharrak eta gaixoak dira. Herrialde mugakideek ezin dute gehiago, milaka familia bizirik irauten saiatzen dira oso baldintza zailetan, eta errefuxiatu askok beren bizitzan arriskuan jartzen dute, Europara heldu nahian, heriotzatik ihesean.

ACNUR Iheslarientzako Nazio Batuen Goi Komisarioak gerra errefuxiatuak babestu eta laguntzen ditu munduan. 1950ean sortu zuen Nazio Batuen Batzar Nagusiak, eta 1951n hasi lanean, Munduko Bigarren Gerra amaitu ondoren milioi bat errefuxiatu europarrari lagunduta.


Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak