Robotika ikastaroa harrobi lana sustatzeko

IKERLANek teknologiaren garapena sustatu nahian, bi eguneko ikastaroa antolatu du langileen seme-alabentzat. Ikastaroa ostiralean eta astelehenean garatu da, eta guztira 43 neska-mutikok parte hartu dute.
Card image cap
2017/09/05

"Robotika hezitzailea bultzatu, haurrak teknologiara erakargarri eta teknologien garapena sustatu", asmo horiekin guztiekin, IK4-Ikerlan ikerketa zentruak ikastaroa antolatu du bere langileen seme-alabentzat. "Harrobi lana egin asmoz, eta gure baliabideak, pertsonalak, zein Arizmendi Ikastolaren robotak aprobetxatuz, erabaki genuen ikastaroa antolatzea gure seme-alabentzat eta oso gustura gaude emaitzarekin", adierazi du Ion Etxeberriak, EIKT Unitate zuzendariak eta Pertsonen zuzendariak gaurko saioaren amaieran.

Guztira 43 neska mutiko aritu dira bi egunez robotikaren arloan aurreneko pausoak ematen. "Programatu ditugu zenbait agindu eta Arizmendik utzitako robotek agindu horiek bete zezaten saiatu dira haurrak", adierazi digu Enekok, Ikerlaneko langile eta bi egunez robotika ikastaroan monitore.

IMG_1550  

Guztira 43 neska mutiko aritu dira

Arizmendi, MU eta Ikerlan elkarlanean

Aurreneko aldia da IK4-Ikerlanek bere langileentzat horrelako ikastaro bat antolatzen duena baina aurretik, Mondragon Unibertsitatearekin batera, Arizmendi Ikastolari laguntza teknikoa eta bestelako babesa eskaini izan dio. Gaur gaurkoz, Arizmendik bere eskaintza akademikoan robotika hezitzailea ikasgaia barneratu du eta asko dira ikasgaia aukeratzen duten ikasleak, Mikel Egiguren Arizmendi Ikastolako irakaslearen esanetan, "gure ikasleak oso gustura ari dira robotika hezitzailea lantzen. Talde lana sustatzen dugu eta ikasgariaren emaitza orokorrak oso positiboak dira".

Kontuak kontu, IK4-Ikerlanek aurten barne ekintza moduan antolatu duen ikastaroak datozen urteetan jarraipena izan dezake, "gurasoak oso pozik baitaute eta haurrek ere primeran pasatu dute robotikan barneratuz". 

Irakaskuntza

Ikerketa zentro teknologikoa