2017-10-21T08:44:22+02:00

Tresna pertsonalak

TUlankide MONDRAGON

Oronak % 15,63 handitu du bere ustiapen-irabazi gordina, 111 milioi euroraino

2016/04/25

Kooperatibak 611 milioi euroko diru-sarrerak izan zituen 2015ean, aurreko ekitaldian baino % 5,71 gehiago.
Oronak % 15,63 handitu du bere ustiapen-irabazi gordina, 111 milioi euroraino

Mugikortasun-soluzioetan espezializatutako Orona konpainiak (Hernanin du egoitza) Bazkideen Urteko Batzarra egin du gaur, Orona Ideo egoitzan, eta 2015eko ekitaldiko urteko kontuak onartu ditu.

Kooperatibak 111 milioi euroko ustiapen-irabazi gordinarekin itxi du urtea; hau da, % 15,63ko hazkundea izan du, aurreko ekitaldiarekin alderatuta. Salmentak ere hobetu egin dira 2015ean: 611 milioi euroko diru-sarrerak izan dira; aurreko urteko zenbatekoarekin alderatuta (578 milioi euro), % 5,71ko hazkundea izan da.

Aldi berean, enplegu-zifrak hauek izan dira: 4.498 langile, 2014an baino 165 profesional gehiago. Bestalde, inbertsio-zifra 37 milioi euro izan da. Oronak konpromiso irmoa du berrikuntzarekin, eta bere salmenten % 2 eman du 2015ean berrikuntzarako.

Oronako zuzendari nagusi Xabier Mutuberriak hau esan du bere hitzaldian: “Orona indartu egin da krisi globalaren garai honen ostean: emaitza onak izan ditu, eta enplegua sortzen ari da. Multinazionalekin lehiatzeko eta gure proiektua Europar Batasunean finkatzeko, ezinbestekoa izango da Orona osatzen dugun guztion eta inguruan dugun gizartearen laguntza. Halaber, lanean dihardugu gure proiektua erakargarria izateko gure inguruko talentudunentzat eta gazteentzat. Betiere, esperientzia kooperatiboan oinarrituta, parte hartzeko eta aberastasuna banatzeko eredu bati jarraituz, hala gure gizartearekiko dugun konpromisoa indartzen baita”.



Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak