Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Orbeak 175 urte bete ditu
Kooperatiba Mallabian (Bizkaia) kokatzen da eta bertan du produkzio planta nagusia. Horretaz gain, Portugalen ere badu beste lantegi bat eta Estatu Bauetan filial bat. Osotasunean 270 pertsonek osatzen dute plantilla eta horietatik 180 Mallabian dihardute. Urteko fakturazioa 73 milioi eurokoa da. Merkatu eta bezero garrantzitsuenak Europa eta Estatu Batuetan ditu, nahiz eta baduen presentzia esanguratsua beste zonalde batzuetan, Asian adibidez.
Historia
Orbearen historiari errepasoa eginez, 1930 une garrantzitsua izan zen, armen negozioa utzi eta bizikletaren sektorean murgildu baitzen. Garaiko idolo onenen eskutik sartu zen sektorean, Mariano Cañardo esate baterako.
Beranduago, egoera ekonomikoak gainbehera bizi zuen eta ordainketa-etendura eman zen. 1969An, egoerari aurre egiteko bertako langileek hartu zuten enpresaren ardura eta kooperatiba eratu zuten.
80. hamarkada ere berebizikoa izan zen Orbean. Konpetizioaren sektorean sartu zen eta goi mailako bizikletak egiten hasi zen, BTTaren alorrean ere lehiatuz.
Internazionalizazioa
Kirol alorrean bizi duen arrakasta, bat dator marka osoaren internazionalizazioarekin, izan ere bere produktua mundu mailan banatzen da merkatu lehiakorrenetan. Beste segmentu batzuetarako aurkeztu dituen soluzioak ere Orbearen katalogoa osatzen dute: Enduro, Trail, RALLON eta OCCAM.
Artisauak
Orbeak beti zaindu du bereizteko detailerik txikiena ere. Sorreran, armak fabrikatzen zituztenean ere pertsonalizazioa eskaintzen zuten eta piezak bakarrak egiten ziren, sarritan bezeroaren neurrira eginikoak.
Hamarkadak aurrera egin ahala, artisautzaren kontzeptua bizikletetan aplikatu zen. Gaur egun bezeroaren gustura egiten da bizikleta: koloreak, irudiak, marrazkiak, ... torloju bakoitza, pedalak, txirrindulariaren neurrira egiten dira eta horrela lortzen da produktu bakarra, pertsonalizatua.