2017-12-14T20:01:51+01:00

Tresna pertsonalak

TUlankide MONDRAGON

Nolakoa izan beharko litzateke 2016an kooperatibagintza?

2013/01/07

Zeintzuk izan beharko liratezke 2016an kooperatibagintzaren ezaugarriak? Zeintzuk dira kooperatibistok nahi ditugun ezaugarri horiek? Galdera horiei erantzuteko asmoz abiatu da aurten ere Bagara erakundeak antolaturiko Foro Kooperatiboaren bigarren edizioa. Abenduan egin zen lehenengo saioa Aretxabaletan, Bagararen bulego berrietan, eta dozena bat kooperatibetako ordezkariek parte hartu zuten.

Abenduan jarri zuen abian Bagara erakundeak 2012-2013 ikasturteko Foro Kooperatiboa. Iazko esperientziaren ondotik, bigarren edizioaren lehenengo saioan hamabost bat lagunek parte-hartu zuten, MONDRAGONeko kooperatibetako ordezkariak gehienak, baina baita Korporaziotik kanpo dauden beste hainbat kooperatibako ordezkariak ere. Praktikak konpartitzeko espazioa da Foro Kooperatiboa, erronkak partekatzeko helburua duena eta norberaren jarduna elikatzeko asmoa duena.

Foro kooperatiboa

LANKI ikertegiko Iñigo Iñurrategiren gidaritzapean burutu zen lehenengo saioa. Bertan, aurtengo asmoen berri eman zen eta bigarren edizioaren helburu nagusia irudikatu zuten parte-hartzaileek: Kooperatibismo zorrotzagoa bultzatu, 2016ko kooperatibagintzaren argazkia osatu eta etorkizuneko kooperatibagintzaren eragile berriak sortu.

Foro kooperatiboa

Besteak beste, Fagor Taldeko presidente Joxean Alustiza, LANKIko Igor Ortega, Bagarako Nagore Iraola, Andoni Mujika, Arkaitza Biain eta Iraitz Agirre, Fagor Ederlaneko Edu Abarrategi, Fagor Taldeko presidente ohi juanjo Ansoategi, Fagor Arrasateko presidente Aritz Otxandiano, Fagor Ederlaneko presidente Mikel Uribetxebarria, Arteman Komunikazioko Gorka Etxabe eta EMUN koop. Elkarteko beste zenbait kidek esku hartu zuten bileran.

Pertsonak, enpresa eta eraldaketa soziala

Aurtengo Foro Kooperatiboan besteak beste pertsonak, enpresa eta eraldaketa soziala moduko alorrak jorratuko dituzte. Hiru atal horiek konpartitzen dituzten eremuak honako hauek izan daitezke: interkooperazioa, lidergoa, hezkuntza eta elkartasuna.


Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak