Mondragon Unibertsitateko ikasle batek jaso du Fabrikazio Ingeniaritzako karrera amaierako proiektu onenaren saria

Ekainaren bukaeran burututako Fabrikazio Ingeniaritzako V. Nazioarteko Kongresuan, Mikel Carrascok jaso zuen saria mikrotornuaren karakterizazioan egindako lanagatik. Lan hori osoki Mondragon Unibertsitatean garatu da.
Card image cap
2013/07/10

Bi urtetik behin egiten den kongresua Espainiako Fabrikazio Ingeniaritza Elkarteak antolatzen du, eta aurten Zaragozako Unibertsitateko Paraninfoan burutu da, ekainaren bukaeran.

Kongresu horretan nazioarteko 50 ikertzaile inguru bildu ziren, eta fabrikazio mekanikoaren arloan maila zientifiko handiko txosten ugari aurkezteko topagunea bilakatu da.

Kongresuaren bukaeran, 2012ko karrera amaierako proiektu onenei emandako sariak banatu ziren. Mikel Carrascok saria jaso zuen mikrotornuaren karakterizazioan egindako lanagatik. Lan hori osoki Mondragon Unibertsitatean garatu da.

Gaur egun, 23 urteko ermuar gazte honek, makina erremintak sentsorizatzeko arloan liderra den enpresa batean egiten du lana.

Mondragon Unibertsitateko ingenieritza fakultatea