2017-10-23T17:13:38+02:00

Tresna pertsonalak

TUlankide MONDRAGON

MUkidek bigarren topaketak egin ditu

2015/04/30

MUkide, Mondragon Unibertsitateko ikasle ohien elkarteak, bigarren topaketak egin berri ditu, bigarren urtez jarraian. Ikasle ohiek eraikin berriak ezagutzeko eta berriro elkar ikusteko aukera izan zuten, Arrasate, Oñati, Eskoriatza eta Aretxabaletako Campusetan buruturiko topaketetan.

Mondragon Unibertsitateko ikasle ohien elkarteak iaz egin zuen aurreneko topaketa eta orduko arrakasta ikusirik, aurten ere errepikatzea erabaki dute. Horrela, Arrasate, Oñati, Eskoriatza eta Aretxabaletako Campusek berriro hartu zituzten orain urte batzuk bertan ikasketak burutu zituzten ikasleak.

Topaketak balio izan zuen aspaldiko lagunak agurtzeko, baina baita unibertsitatearen eraikin berriak ezagutzeko, eta MUk azken urteotan izan duen garapena bertatik bertara ikusteko. Enpresagintzako fakultateko dekano Lander Belokik adierazi zuenez, "oso garrantzitsuak dira topaketak gogorarazteko ikasle horiei Mondragon Unibertsitatea gertu dutela eta nahi dutenerako bertaratu daitezkeela".

Debagoieneko lau herritako Campusak bisitatu ondoren, egunari amaiera emateko ikasle ohiek luntxa izan zuten.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak