Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
MONDRAGON Healthek eta Vall d'Hebronek lankidetza hitzarmena izenpetu dute I+G+b-aren arloan
Hitzarmenaren bitartez ezagutza sortu, trukatu eta transferitu nahi dute, ikerketa eta berrikuntza proiektuak eta formazio programak eginez eta elkarrekin jarduerak egitea sustatuz.
Hitzarmenak urtebeteko iraupena izango du eta urtero luzatu ahal izango da. Gaur, uztailak 4, izenpetu dute MONDRAGONeko zentro korporatiboan. Sinatzaileak izan dira Jose Luis de Sancho, Hospital Universitari Vall d'Hebroneko gerentea; Joan X. Comella, Fundació Hospital Universitari Vall d'Hebron Institut de Recerca (VHIR) fundazioko legezko ordezkaria; Javier Sotil, MONDRAGON Korporazioko Berrikuntza, Sustapen eta Ezagutzako lehendakariordea; eta Mikel Alvarez, MONDRAGON Healtheko zuzendari nagusia.
Garapen arloak
Hitzarmen honen helburua, besteak beste, jarduera hauek lantzea da:
- E-health proiektuetan lankidetza sustatzea.
- Ospitale barneko errehabilitazioa eta etxeko errehabilitazioa hobetzeko aukerak identifikatzea, eta beste merkatu aukera batzuk ere identifikatzea Diagnostikoaren eta Adinduentzako Zerbitzuaren arloetan, Osasunaren eta paziente kronikoen sektorean.
- Erakunde sinatzaileen arteko lankidetzarako aukerak identifikatzea, bereziki zuzendari eta bitarteko arduradun sanitarioen prestakuntzaren esparruan.
Eremu operatiboago batean, dagoeneko hainbat aukera zehatz identifikatu dituzte:
- Substantzia farmakologikoen manipulazioaren eta dosifikazioaren hobekuntza
- Farmakoak prestatzeko eta emateko eremuaren hobekuntza (trazabilitate prozesuak eta pazientearen segurtasuna), Mikrobiologia Zerbitzua, Genetika Zerbitzua, Anatomia Patologikoko Zerbitzua eta beste zerbitzu batzuk automatizatzea.
- Biomekanikaren eta Nanoteknologiaren inguruko lankidetza.
- Etxeko Pointof Care eta Ospitaleko Pointof Care proiektuetarako lankidetza.