MONDRAGON Health-ek eta Institut Català de la Salut-ek lankidetza hitzarmena izenpetu dute

MONDRAGON Healthek eta Institut Català de la Salut erakundeak lankidetza hitzarmena izenpetu dute gaur. Aliantza estrategiko berria da, I+G+b-aren arloari zuzendua, zientziaren eta teknologiaren arloan elkarrenganako interesa duten jardueretan lankidetza sustatzeko, Kataluniako eta EAEko erkidego autonomoetako osasun sektorea garatzen laguntzeko.
Card image cap
Eskerretik eskubira: Mikel Alvarez, MONDRAGON Health-eko Zuzendari Nagusia, eta Joaquim Casanovas, ICS-ko Zuzendaria.
2012/10/31

MONDRAGON Healthek eta Institut Català de la Salut erakundeak lankidetza hitzarmena izenpetu dute gaur. Aliantza estrategiko berria da, I+G+b-aren arloari zuzendua, zientziaren eta teknologiaren arloan elkarrenganako interesa duten jardueretan lankidetza sustatzeko, Kataluniako eta EAEko erkidego autonomoetako osasun sektorea garatzen laguntzeko.

"Ezagutza sortu, trukatu eta transferitzeko, I+G proiektuak eta formazio programak eginez eta elkarrekin jarduerak egitea sustatuz"

Hitzarmenaren bitartez ezagutza sortu, trukatu eta transferitu nahi da, ikerketa eta berrikuntza proiektuak eta formazio programak eginez eta elkarrekin jarduerak egitea sustatuz.

Horrez gain, akordioaren beste helburu nagusietako batzuk dira logistikaren arloan hobetzeko prozesuak aztertzeko eta garatzeko lankidetza lortzea, hornidura sanitarioen eremuan gestio eredu berriak lortzeko ikerketa egitea, eta informazio sistema espezializatuak eta garapenerako lan metodologiak partekatzea.

Urtebeteko iraupena

Hitzarmenak urtebeteko iraupena izango du, urtero luzatu ahal izango da, eta atzo, asteartea, izenpetu zuten Bartzelonan Institut Català de la Salut erakundeko zuzendari gerentea den Joaquim Casanovas i Laxek, MONDRAGON Korporazioko Berrikuntza, Sustapen eta Ezagutzaren lehendakariordea den Javier Sotilek eta MONDRAGON Healtheko zuzendari nagusia den Mikel Alvarezek.

Garapen arloak

Hitzarmen honetako jardueren helburua jasotzen duten arloak hauek dira, besteak beste: e-health eta paziente kronikoen jarraipena etxean egiteko proiektuetan lankidetza sustatzea; diagnostiko klinikoari eta aholkularitzari lotutako jarduerak eta produktu sanitarioen erosketa, hornidura eta logistikaren arloa optimizatzea; ospitale barruko eta etxeko errehabilitazioa; Prestakuntzaren arloan elkarrekin jarduteko aukerak aztertzea giza baliabideei dagokienez; eta ikerketa biomedikoaren gaineko alderdiak sustatzea.

Aliantzako bazkideak

Institut Català de la Salut, 39.500 profesionaleko langile taldearekin, Kataluniako Osasun Institutua (ICS) Kataluniako osasun zerbitzuen enpresa publikorik handiena da, eta ia sei milioi erabiltzaileri ematen dizkie zerbitzuak, hau da, Katalunian aseguratuta dauden guztien % 75i. Osasun laguntzaren jardueraz gain, ICSk lan zientifiko handia egiten du, ospitaleetan eta lehen mailako atentzioko zentroetan integratuta dauden zazpi ikerketa instituturen bitartez. Irakaskuntzaren arloan, ICSk bere zentroetan osasun zientzietako 50 espezialitatetako 2.400 espezialista prestatzen ditu.

MONDRAGON Health

MONDRAGON Health MONDRAGON Korporazioaren plataforma bat da, osasunaren sektorera bideratutako produktu eta zerbitzuetan enpresa garapen berriak sustatzeko. Bere estrategiaren jomuga dira arreta soziosanitarioa, eHealth, ospitale prozesuen automatizazioa, osasun sektorearen logistika eta sektoreko proiektu globalen garapena.