Mikel Goienetxe izango da EROSKI Bidaien zuzendari berria

Mikel Goienetxe izendatu dute EROSKI Bidaien zuzendari nagusi. 2003. urteaz geroztik, Ustiapen Saileko zuzendari aritu da Travel Air-en, agentzia horretako enpresa-dibisio batean. Enpresen Administrazioan eta Kudeaketan lizentziatu zen, Herdforshire-ko Unibertsitatean, eta lan ibilbide eta esperientzia sendoak ditu sektorean, 1999. urteaz geroztik baitu lotura EROSKI Bidaiekin.
Card image cap
Mikel Goienetxe.
2014/06/24

Kargu eta ardura berriak hartu ondoren, haren lehentasunetako bat izango da EROSKI Bidaiek eta Barceló Bidaiek apirilean sinatu zuten aliantza estrategikoa aurrera eramatea, bi konpainiek merkatuan duten kokapena indartzeko helburuz. Bien sinergiak baliatuko dituzte, eta, lehiakorragoak izateko, produktuen eta zerbitzuen katalogo zabalagoa eskainiko dute, bezeroek baldintza hobeak eskura ditzaten.

EROSKI Bidaiak

1980. urtean sortu zuten, eta gaur egun EROSKI Taldeko kide da. Espainiako Estatuan jarduten duten hamar bidaia agentziarik garrantzitsuenetako bat da. Opor garaiko eskaintzan espezializatua dago eta enpresa bidaiak antolatzen ere lan handia egiten du. Gaur egun, 163 bidaia agentziatako sarea du, eta horien barnean, enpresekin soilik lan egiten duten 28 bulego.

EROSKI Bidaiak GEBTA sarean sartuta dago (Guild European Business Travel Agents); enpresa hautatuak biltzen dituen partzuergoa da, eta 850 saltoki baino gehiago ditu Europa guztian.

Banaketa komertziala