2017-10-19T14:44:31+02:00

Tresna pertsonalak

TUlankide MONDRAGON

Miba eta Piensos del Nortek indarrak batu dituzte

2016/07/19

Bateratze prozesua Eusko Jaurlaritzak babestu du eta Erkidegoan erreferentea izango den proiektua eratzea da helburua.
Miba eta Piensos del Nortek indarrak batu dituzte

Pasa den uztailaren 7an gauzatu zen bi enpresen arteko bateratze prozesua eta berau sinatu zuten Iogu Ogiza eta eta Martin Longarte, Mibako gerente eta presidenteak eta Jose Mª Pérez Verdugo, Piensos del Norteko Administrazio Kontseiluko presidenteak.

Hori dela eta, abuztuaren 1etik aurrera Miba kooperatibak kudeatuko ditu Erkidegoan dauden pentsu bi lantegi handienak. Hau da, Miba bera Markina-Etxebarrian kokatzen dena, eta Piensos del Norte, Mungiak kokatzen dena. Akordio honen baitan Mibak Piensos del Norteko tresneria bereganatzen du, 10 langileen kontratuak subrogatuko ditu eta egoitzaren alokairua ordainduko du, hurrengo hamar urteetan.

Bere aldetik, Piensos del Norte Miba kooperatibaren bazkide kolaboratzaile bihurtzen da.

Erreferentea den proiektua

Bi enpresen integrazio prozesuarekin proiektuaren tamaina eta garrantzia handitzen da. Izan ere, aurtengo produkzioa 50.000 Tm-koa izango da eta aurrera begira produkzio ahalmena 200.000 Tm-tara iritsiko da urtean, 18 milioi eurotako fakturazioa lortuz, eta 40 langilek osatzen duten plantilarekin.

Etorkizunari begira, Miba-Piensos del Norte pentsu produkzioaren berantolaketa prozesua emateko lehendabiziko pausua da akordio hau. Gainera, aurretik ere bi enpresek bultzatu dituzte proiektu berriak martxan jartzeko eragiketa desberdinak, Euskal Herri mailak sektorea indartzeko helburuarekin. Une honetan Kaiku eta Ineko markekin lanean dihardute bigarren mailako kooperatiba eratzeko, eta esne-behientzat elikadura eskaintzeko.

Iosu Ogizak aipatzen duenez, "oso ilusionatuta gaude proiektu berriarekin, ahaleginak batu eta sektorea indartzeko aurrerapausuak ematen ari gara".


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak