Mekatronika ziklo formatiboaren lehen promozioko proiektuen aurkezpena

Ia hiru urteko formazioa eta gero, Goi Eskola Politeknikoko lehen promozioko 30 ikasleek bukatzen ari dira programa. Amaiera ekitaldi gisa taldean garatu dituzten proiektuak aurkeztu dituzte, irakasle, tutore zein kooperatibetako ordezkarien aurrean.
2017/04/11

2014an Korporaziotik formazio plangintza berezia jarri zen martxan Fagor Etxetresnak itxi ondorengo bazkide soberakinak birkokatzeko. Hasiera batean, formazio plana bazkide hauei soilik zuzendu arren, gainontzeko kooperatibetako bazkideak ere hartu dira kontuan eta dagoeneko hartzen dute parte programa hauetan.

Primera promoción Mecatronica

Helburuak bi dira: bazkideen kualifikazio profesionala hobetu eta etorkizunera begira balioaniztasun profila landu (neurri prebentibo bezala).

Eusko Jaurlaritzako Hezkuntza sailaren laguntzarekin, Lanbide eta beste formazio zentro batzuk, formazio eta finantzabide bide ezberdinak aztertu ziren. Behin xehetasunak definitu ondoren interesa izan zezaketen bazkideak deitu ziren eta goi mailako zikloak jarri ziren martxan; mekatronika zikloa Goi Eskola Politeknikoan eta mekanizazio zikloa Miguel Altuna Institutuan.

“Azken hiru urte hauetan 11 taldek hartu dute parte formazio planean eta 2016-17 ikasturtean 177 pertsona ditugu. Ekainean bukatu dute lehen promozioko ikasleek: 30 hauek Eskola Politeknikoan eta beste 28k Miguel Altuna Institutuan” dio Iñaki Belaustegik.

Etorkizunerako formazioa

Plangintza honen bitartez bazkideen kualifikazio profesionala hobetu nahi da. Izan ere, formazio jarraituak lanerako aukerak hobetzen ditu eta lanpostuak egonkortzeko aukerak finkatzen ditu. Gaur egun, 177 pertsona ari dira goi mailako zikloan, ikasketak eta lana uztartuz.

“Zalantzarik gabe formazio programa honek ahalegin handia eskatzen du ikasleen aldetik, baina modu berean aukera paregabea da lan aukerak areagotzeko eta balioaniztasun profila lantzeko” dio Belaustegik.