Matz-Erreka kooperatibak irudi korporatiboa berritu du

Erreka da aurrerantzean marka komertziala eta bere baita daude lau negozio unitateak: Fastening Solutions, Plastics, Automatismoak eta Ate Automatikoak.
Card image cap
2015/09/07

Matz-Erreka kooperatibak garatu duen Plan Estrategikoaren testuinguruan bere irudi korporatiboa eraberritu du. Helburua, marka berean (Erreka) enpresak dituen lau negozio unitateak biltzea izan da: Fastening Solutions, Plastics, Automatismoak eta Ate Automatikoak.

Era berean, internazionalizazio prozesuan erabiliko den euskarri indartsua eta modernoa izatea izan da beste helburuetako bat.

 

Erreka web

Euskarrien egokitasuna

Proposatu diren helburuak garatzeko, logotipo guztiak eraberritu dira, eraikin zein instalazioetakoak eta baita webgunekoa (www.erreka.com,) eta negozioetakoak ere.

Zehazki, webgune berrietan bereizten dira modu berrituan negozioen ezaugarri nagusienak, eta baita kooperatibaren Misio eta Baloreak ere, oraintsu eguneratu direnak.

Beraz, aurrerantzean nahiz eta kooperatibaren izen soziala Matz-Erreka izango den, komunikazioaren ikuspuntutik Erreka izango da marka orokorra.

Fastening Solutions, Plastics eta Sarbide Automatikoak