2017-08-19T13:19:05+02:00

Tresna pertsonalak

TUlankide MONDRAGON

Maier Koop. Elkarteak abian jarri du nazioarteko diseinu lehiaketa

2013/01/23

Diseinu proposamen berritzaileak sustatu nahian eta automozioaren arloan ideia berriak bultzatzeko asmoarekin abiatu da Maier Koop. Elkartearen nazioarteko bosgarren diseinu lehiaketa. Gernikako kooperatibak arlo horretan egiten den lana saritu nahi du eta, gero eta arrakasta gehiago duen lehiaketa, da adibiderik garbiena.
Maier Koop. Elkarteak abian jarri du nazioarteko diseinu lehiaketa

Nazioarteko lehiaketaren kartel iragarlea.

“Maier S. Coop. Nazioarteko V. Diseinu Lehiaketa” Maier S. Coop enpresak antolatzen du MONDRAGON Korporazioarekin, Bizkaiko Foru Aldundiko Berrikuntza eta Sustapen Ekonomikoko Sailarekin, Eusko Jaurlaritzako Ekonomiaren Garapen eta Lehiakortasuneko Sailarekin eta EIDE (Euskadiko Industri Diseinatzaileen Elkartea) erakundeekin lankidetzan eta automozio alorreko diseinu lehiaketa garrantzitsuenetako bat da.

Partaide ugari eta kualifikatuak ditu lehiaketak, komunikabideetan presentzia handia, sari ekonomikoak paregabeak eta epaimahaikideen prestigioa ere ez da nolanahikoa. Osagai guzti horiei esker, Diseinu Lehiaketetan erreferente bilakatu da. Epaimahaikideak automozio sektoreko profesionalak dira, diseinu kontuetan ibilgailuak diseinatzen dituzten departamentuetako buruak.

Lehiaketa honetako Antolakuntza Batzordeak diseinatzaileak, ingeniariak, ikasleak, zaleak eta profesionalak parte hartzera sustatu nahi ditu, diseinu-proposamen berritzaileak aurkeztuta. Informazio gehiago, Maier Koop. Elkartearen webgunean.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak