Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
Lea Artibairen errezeta ikasleen laneratzea bultzatzeko
Lea Artibai Ikastetxeak badaramatza hogei urte baino gehiago ikasleen laneratzean lanean horretarako bereziki daukan departamentuaren eskutik. Departamentu hau sektore ezberdinetako enpresekin elkarlanean aritzen denez gero, Markinako Ikastetxean graduatutakoek enpresa hauetan egiten dituzte ikasketa-amaierako praktikak eta horrela, askok eta askok beraien lehen lanpostua lortzen dute.
Halere, Ikastetxeko laneratze departamentuaren lana haratago doa, ikasketak amaitu eta ondorengo hiru urteetan jarraipen pertsonalizatua egiten da lana bilatu edo aldatzeko beharrizana izanez gero bidelagun eginez.
Era berean, lanean ari direnen formakuntzaren osagarri gisa etengabe aritzen da enpresekin elkarlanean lanbide-profilen eta gaitasunen hobekuntza orokor bat lortzeko europear mailako programa berritzaileak erabiliz.
Programa hauen artean, Txirbil-harroketazko mekanizazioa, Lean Manifacturing, Kalitate-kontroleko teknikaria eta neurrira egindako kontratazio-konpromisodun programak azpimarra daitezke.
Ikastetxearen eta enpresaren arteko elkarlana: neurriko baikortasuna
2014-2015 ikasturtean Lea Artibai Ikastetxean ikasketak bukatu zutenetatik 66k lana aurkitu dute iazko urtean eta horietatik, 22 ikaslek era berean ikasi eta lana egin txandakatzen duen eredua erabili dute.
Emaitza hauek ekonomiaren suspertzearen adierazle dira, baina baita Ikastetxearen eta enpresen arteko elkarlanarena ere. Orain dela hogei urte baino gehiago hasita, sektore desberdinetako ehun enpresa baino gehiagorekin batera garatu du elkarlanean aritzeko ereduan oinarritutako hezkuntza kooperatiboa, hala nola, Eika, Maier, Cikautxo, Kide, Renault Consulting, Grupo Eroski, Fagor edo Burdinola bezalako enpresekin. Eta esan behar da, Markina-Xemeingo Ikastetxearen formakuntzaren beharra izaten dutenak, batez ere, industria eta alor teknikoko sektoreak diren arren, berrikuntzarekin, teknologia eta prozesu berriekin eta zerbitzuen sektorearekin zerikusia duten lanpostuen eskaria urtetik urtera handitzen doala.
Orientazio zerbitzuko arduraduna den Pedro Akarregiren hitzetan, Lanbide-heziketa Teknikoa eta Etengabeko-Heziketa funtsezkoak izaten ari dira gazteen, langabetuen eta euren lanpostua hobetu nahi dutenen laneratzearen hobekuntzan.