2017-10-20T10:53:37+02:00

Tresna pertsonalak

TUlankide MONDRAGON

Laboral Kutxak aurreratu duenez, euskal ekonomia %1,3 jeitsiko da 2013an

2013/07/16

Euskadiko Barne Produktu Gordina % 1,2 txikitu zen 2012an, eta Nafarrokoa, % 1,4, Espainiaren batez bestekoaren pare. Ekoizpen-datu positiboak egon diren bi urte eta gero, 2012an atzeraldira bueltatu da euskal ekonomia. Horixe da Laboral Kutxak 2012ko euskal ekonomiaren txostenean batzen dituen datu batzuk. Atzo uztailak 15, aurkeztu dute txostena prentsaurrekoan. Era berean, 2013rako aurreikusten duten eboluzioa ere aztertu zuten Laboral Kutxako ordezkariek.
Laboral Kutxak aurreratu duenez, euskal ekonomia %1,3 jeitsiko da 2013an

Laboral Kutxako Xabier Egibar, negozio-garapen zuzendaria, eta Josu Madariaga, azterketa saileko zuzendariak

Datu guztien aurkezpena Laboral Kutxako Bilboko egoitzan izan da, uztailaren 15ean. Bertan izan dira Xabier Egibar, Negozio-garapen zuzendaria, eta Josu Madariaga, Azterketa saileko zuzendaria.

Aurreratu dutenez, 2013an euskal ekonomia atzeraldira bueltatu da, batik bat lehen hiruhilekoan izan diren emaitza negatiboak eraginda.

Emaitza orokorrak

Modu honetan laburtzen dira Laboral Kutxak egin duen txostenean jasotzen diren emaitza orokorrak:

- 2012. urtean, Euskal Autonomia Erkidegoko Barne Produktu Gordinak % 1,2 egin zuen behera, eta Nafarroako Foru Erkidegokoak % 1,4, Estatu osoan bezala. Aurreko bi urteetan produkzioaren alorrean emaitza positiboak izan baziren ere, 2012. urteak atzeraldia ekarri zuen berriro. Atzeraldi hori 2009koa baino txikiagoa izan da, bai, baina luzeagoa, orain arte jarraian hazkunde negatiboa izan duten hiruhilekoei erreparatuta.
- Aurrekoaren ondorioz, lan-merkatuaren jokaera guztiz kezkagarria da. Lanpostuen galera errealitate bat da gure ingurunean. Hala, enpleguen % 6 galdu da Euskal Autonomia Erkidegoan, % 4,2 Nafarroan eta % 4,5 Estatuan.

- Eta eraginik handiena duen magnitudea aintzat hartzen badugu, langabezia-tasa, Euskal Autonomia Erkidegoan % 14,9ra heldu da, 2011koarekin alderatuta portzentajezko hiru puntu gora egin ondoren. Nafarroan, berriz, langabezia tasa % 16,2koa da eta Estatuan % 25ekoa.

Tasa horiek ez dira batere normalak eta argi eta garbi erakusten dute lan-merkatuak gaizki funtzionatzen duela. Eta langabeziaren arazoa bereziki kezkagarria da gazteen artean.

- Eskaintzaren ikuspegitik, azpimarratzekoa da sektore guztien ahultasuna, nekazaritza salbuespena dela. Bereziki nabarmenak dira eraikuntzaren emaitza negatiboak: % 6,3koa Euskal Autonomia Erkidegoan eta % 8,1ekoa Estatuan. Nafarroan, berriz, industriak izan du jaitsierarik handiena, % 4,2koa, eta zerbitzuen sektorea da 2011ko mailari eutsi dion bakarra.

- Krisiak enpresen emaitzetan ere izan du eragina, eta haien erregistroak negatiboak dira jada. Zentzu horretan, mozkinen/salmenten eta mozkinen/fondo propioen ratioak, hurrenez hurren -% 0,6koa eta -% 1,1ekoa izan ziren 2012an, azken urtetan jarraipen egin zaien euskal industria-enpresa nagusietan. Tasa horiek aurreko urtekoak baino dezente txikiagoak dira (% 3,5 eta % 6,3, hurrenez hurren).


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak