Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
Javier Murok irabazi du Soraluze S. Coop. taldearen 50. urteurreneko eskultura lehiaketa
“Kooperatibismoaren espiritua irudikatzen du lanak: batasuna, kanpora zabaltzea, mugimendua, eta batez ere etorkizunera begirada baikorra”, esan dute antolatzaileek Muroren lana definitzerakoan. Eskultura Osintxun jarriko dute, kooperatibaren eraikinean, apirilaren 27an.
Javier Murok epaimahaia konbentzitu du Reto al futuro lanarekin. Baina erabakia hartzea ez da erraza izan; izan ere, aurkeztu dituzten gainerako lanen maila handia izan da. Ondokoak izan dira aurkeztutako lanak: Aitor Ruiz de Eginoren Gu; Arturo Andraderen Los cooperativistas; Willy Latsurregiren, Zeru hertzaren muga; Alberto Ramirezen, Sustraitze; Iñigo Arregiren, Barruan; eta, Manu Muniategiandikoetxearen Bat izanik.
Lan guztiak jasoko dituen erakusketa
Lehiaketara aurkeztu dituzten lanen maila nabarmendu du antolakuntza taldeak. Eskalara egindako lanon erreplikak eta azalpenak erakusgai jarri dituzte Soraluzeko kiroldegian. Gainera, 1962an Gipuzkoan sortutako kooperatibaren historia jasotzen duen irudi sorta ere ikusgai dago.
Erakusketa apirilaren 21era arte egongo da zabalik: astegunetan 19:00etatik 20:00etara eta aste bukaeratan 12:00etatik 13:30era.