Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
Izendapen berriak MONDRAGON Korporazioan
Victor Arrizabalagak 2013ko apirilaren 1ean ekingo dio lehendakariorde kargu berriari MONDRAGONeko Tresneria eta Sistemen Dibisioan, Angel Barandiaran ordezkatuta, horrek erretiroa hartuko duelako. Azken urteotan Victor Cikautxo kooperatibako zuzendari nagusia izan da.
Oskar Goitia, berriz, maiatzaren 1ean helduko dio bere kargu berriari CM Automozio Dibisioan, Jose Ramon Goikoetxea ordezkatuta, Korporazioaren hainbat eremutan eta kargutan ibilbide luze eta emankorra egin ondoren erretiro adinera heldu baita. Orain arte biak elkarrekin aritu dira MONDRAGON Automozioan, bezeroekiko eta merkatuekiko harremanak eta estrategiak bultzatzen eta berrikuntza eta automozioaren sektoreko negozio berrien sustapena bultzatzen duen erakunde korporatiboan.
Lehendakariorde berriei buruz
Victor Arrizabalaga Ondarroan jaio zen (Bizkaia) 1957an. Ekonomia eta Enpresa Zientzietako lizentziatua da Deustuko Unibertsitatearen aldetik, baita Zuzenbideko lizentziatua ere UNEDetik. Bere ibilbide profesionala Cikautxo kooperatibari lotuta dago, hantxe hasi baitzen Controller lanetan, Produkzioko zuzendari izaten jarraitzeko, eta, azkenean, Finantza zuzendari kargua betetzeko. 1996an zuzendari gerente izendatu zuten, eta kargu hori bete du gaur arte.
Oskar Goitia Gasteizen jaio zen 1969an, eta Ingeniari Tekniko Industriala da Mondragon Unibertsitatearen aldetik.
1990ean Wolhfarth GmbH enpresan hasi zuen bere ibilbide profesionala, motorretarako ekipamendu eta tresneria fabrikatzen duen Stuttgart inguruko enpresa horretako teknikari lanetan, eta Euskal Herrira itzuli zenean MONDRAGON taldean sartu zen Fagor Ederlan kooperatibako teknikari. 1993an Aurrenakera igaro zen, eta kooperatiba horretan zuzendari komertzialaren kargua bete zuen (1994-1999) eta, ondoren, gerentearena (1999-2003). 2004an Loramendiko gerentzi kargua eskuratu zuen eta enpresa hori kooperatiba bihurtu eta MONDRAGON Korporazioan sartzeko prozesuan parte hartu zuen. 2009an MONDRAGON Automozioko Zuzendaritza Nagusia hartu zuen bere gain, eta handik MONDRAGONeko automozioaren sektorean diharduten erakundeen arteko interkooperazioa bultzatu du, merkatuan haien posizionamendua hobetzeko.