2017-10-20T21:58:34+02:00

Tresna pertsonalak

TUlankide MONDRAGON

Industria aeroespazialean posizionamendua sendotzen jarraitzen du Fagor Automationek

2014/02/24

Ipar Ameriketako Industria aeroespazialak urtean 130.000 eta 200.000 milioi dolar inguru sortzen ditu eta bertako ekonomiari 350.000 milioi dolarreko ekarpena egiten dio. Sektore aeroespazialean eta defentsan eginiko aurrerapen teknologikoek, adibidez: neurketetan, konpositeetan, abiadura handiko mekanizatuen arloan, prototipo azkarren alorrean eta mozketa teknologia alternatiboetan eragina izan dute. Era berean, datozen sei edo zazpi urteetan defentsarako elektronikak eta materialen fabrikazioak hazkunde garrantzitsua izatea espero da.
Industria aeroespazialean posizionamendua sendotzen jarraitzen du Fagor Automationek

Azken urteotan Fagor Automationeko I+G lan taldeak industria aeroespazialarentzat hainbat prestazio garatu ditu CNC 8055 eta CNC 8065 plataformetan. Bi plataformak indartu egin dira aeroespazio arloko fabrikatzaileek exijitzen dituzten maila altuko prestazioei erantzuteko. Nabarmentzekoa da mekanizatuaren abiadura eta doitasun handiagoa lortzeko prestazioa, bereziki konpositesak fabrikatzeko.

Fagor Automationeko I+G lan taldeak garatu dituen prestazio askoren artean aipatzekoa da, HSSA (High Speed Surface Accuracy system). Besteak beste, abiadura handian mekanizatuak egitea ahalbidetzen du, gainazala doitasun handiarekin utziz. Prestazio honekin, beste prestazio eta berariazko algoritmo batzuekin tartekatuta, plano inklinatuko konpentsazio bektoriala adibidez, doitasuna eta bereizmen oso altua izatea lortzen da.

Inplikazio eta dedikazio altu honek, orain arte izaniko emaitzetan erreparatuz, arrakasta handia izan du. 2014 urtera arte, Fagor Automationek CNC 8055 edo CNC 8065 sistemak arrakastarekin instalatu ditu industria aeroespazialeko liderren produkzio lantokietan.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak