2017-10-23T02:42:19+02:00

Tresna pertsonalak

TUlankide MONDRAGON

IK4-IKERLAN, 40 urte enpresen zerbitzura

2014/06/20

Asteazkenean ospatu zuen IK4-IKERLANek era xumean 40.urteurreneko ekitaldia. Garaia Berrikuntza Gunean elkartu ziren berrikuntza guneko ordezkariak, eta Euskadiko zein Gipuzkoako ordezkari instituzionalak. Besteak beste, Iñigo Urkullu Lehendakaria eta Martin Garitano Gipuzkoako Ahaldun Nagusia. Era berean, Euskadiko enpresa arloko ordezkaritza zabala gerturatu zen Arrasatera, IK4-IKERLANen urteurrena ospatzera. Izan ere, sorreratik, IKERLANen helburua izan da gertuko enpresei etengabeko berrikuntza prozesuak proposatzea.
Urte hauetan guztietan enpresekin kolaborazio zubiak eraiki ditugu, gure jakituria eta soluzio berritzaile eta konpetitiboak eskainiz

40 urteko ibilbide oparoa egin du IK4-IKERLAN Berrikuntza Guneak. Sortu zenetik berrikuntza arloko zerbitzu eta produktuak eskaintzen aritu da etengabe, gertuko zein urruneko enpresa eta erakundeei, eta ibilbide dotore hori gogora ekartzeko eta 40.urteurrena ospatzeko ekitaldi xume baina hunkigarria egin zen ekainaren 18an, asteazkena, Garaia Berrikuntza Gunean. "Partner teknologiko bikaina bilakatu da gure erakundea eta horrexegatik gaurkoan enpresa eta instituzioekin egon nahi dugu, beste behin", adierazi zuen Iñaki Aranburu, IK4-IKERLANen presidenteak. Besteak beste, CAF taldeko, Oronako, Fagor Arrasateko, DanobatGroupeko, AERNNOVAko, Mondragon Unibertsitateko eta EHUko ordezkariak gerturatu ziren ospakizunera.

40 aniversario de IK4-IKERLAN

Era berean, ekitaldiak balio izan zuen enpresa horietako ordezkariek IKERLANi esker ona adierazteko. Aranburuk esaldi borobilean laburbildu zuen une horretako sentimendua: "Urte hauetan guztietan enpresekin kolaborazio zubiak eraiki ditugu, gure jakituria eta soluzio berritzaile eta konpetitiboak eskainiz eta horregatik eskertza konpartitua da".

40 aniversario de IK4-IKERLAN

Iñaki Aranbururen hitzen ondoren mahai-ingurua egin zen eta mahaiaren bueltan izan genituen: Miguel Encabo, Orona Groupekoa; José Gortazar, CAF Taldekoa; Miguel Angel Castillo, AERNNOVAkoa; David Chico, Fagor Arrasatekoa; eta IK4-IKERLANeko gerente Javier Mendigutxia. Guztiek goraipatu zuten Arrasateko berrikuntza zentroak urtetan egindako lana, teknologia berriak integratzen eta ezagutza partekatzen, beti ere helburu bakarrarekin. "Bezeroei soluzio konpetitiboak eta berritzaileak eskaintzea".

IMG_8296

40.urteurreneko bideoa

Mahai-inguruaren ondoren 40. urteurreneko bideoa ikusteko aukera izan zuten bertaratutakoek. Minutu gutxitan 40 urteko historiako mugarririk nagusienak errepasatu zituzten. Ondoren, Martin Garitano Ahaldun Nagusiak eta Iñigo Urkullu Lehendakariak hartu zuten hitza. Biek zoriondu zuten IK4-IKERLAN, eta 40 urteko ibilbidean aipatu kooperatibak izan dituen presidente guztiei oroigarriak eman zizkieten, ekitaldiari amaiera borobila emanez.

Ekitaldiko argazki guztiak: https://www.flickr.com/photos/tulankide/sets/72157645243447984/


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak