Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
"Familia bat osatzen genuen, eta orain ere horrela izan beharko litzateke"
"Fagor Ederlan, 1963-2013; 50 urteko ibilbide oparoa" izenburupean, TU lankidek mahai ingurua antolatu du Fagor Ederlaneko zenbait lan-bazkide historikorekin eta gaur egungo presidentearekin. Mahaiaren bueltan batu ditugu Higinio Etxabe (fundatzailea), Leandro Hernandez (fundatzailea), Sotero Olabe eta Roberto Kortazar.
Mahai ingurua, osotasunean, martxoa-apirileko zenbakian argitaratuko badugu ere, hurrengo lerroetan aurrerapen gisa irakur dezakezue Larriñon eginiko saioan jasotako adierazpen esanguratsu batzuk. Era berean, argazki galeria ere prestatu dugu filckr sarean.
Sotero Olabe: "Kooperatiba ezberdinen artean elkartasuna edo solidaritatea erabatekoa zen. Esaterako, 1965 eta 1966 urteetan, Ederlanen aurreneko urteetan krisi latza bizi izan genuen, kapital-zabalkuntza egin behar izan genuen eta ULGORek sekulako babesa eskaini zigun".
Leandro Hernandez: "Sekulako poztasuna geratzen zait. Enpresa handia egiten lagundu izana sekulakoa da niretzat. Arlo pertsonalean zein profesionalean garatzen lagundu dit eta oso harro nago".
Higinio Etxabe: "Oso konforme nago. Burrundara asko botata ere, lagunik ez dut galdu lanean eta hori da benetan inportantea".
Roberto Kortazar: "Eztabaida asko izaten genituen, batzuk beroak. Gogoan dut, behin komunikazio tekniken gaineko ikastaro bat egin genuela eta tira-bira handiak sortu zirela".