2017-10-23T18:57:48+02:00

Tresna pertsonalak

TUlankide MONDRAGON

Euskara topaketan aztergai Zortzi urte barru bilerak euskaraz egitasmoa eta Konfiantzaren Pedagogia

2016/10/10

Euskara eragileak heztea helburu, euskara koordinatzaileen topaketa garatu zen urriaren 5ean, MONDRAGONen euskararen Mahai Teknikoak antolatuta.
Euskara topaketan aztergai Zortzi urte barru bilerak euskaraz egitasmoa eta Konfiantzaren Pedagogia

Batetik, Fagor Automationek 2024an bilerak euskaraz egiteko aukera izateko helburuaz abian jarritako programazioa azaldu zuen Oiher Arantzeta Fagor Automationeko I+G teknikari eta euskara koordinatzaileak. 2013-2016 denboraldian landutako estrategiak eta lortutako lortutako emaitzak aintzat hartuta, 2017-2020rako ezarri dituzten asmoak azaldu zituen Oiherrek. Gakotzat ulermena hartuta, ulermen maila ez duten 52 urtez azpiko langile-bazkide guztiei formazio plana eskaini zaie.

MONDRAGON euskara jardunaldia  

Bestetik, Konfiantzaren Pedagogia izan zuten aztergai bertaratutakoek; oinarriak, helburuak, emandako urratsak, etorkizuneko asmoak etab... Hizlari Amaia Antero aritu zen, Arizmendi ikastolako Berrikuntza Pedagogikoaren zuzendaria.

Pertsonari bere hezkuntza ibilbidean laguntzea bere buruarengan, besteengan eta bere testuinguruan konfiantza izan dezan bere gaitasunak ahalik eta ondoren garatzeko eta zoriontsu izateko. Konfiantzaren Pedagogiaren definiziotzat hori hartuta, gaiaren gainean zenbait ariketa egiteko aukera izan zuten bertaratuek, baita enpresetan eta euskara planetan aplikagarri izan ote daitekeen hausnarketa egiteko gonbitea jaso ere.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak