Eroskik supermerkatu bat ireki du Zumaian

Tokiko janari fresko mota asko izango da saltokian. Horretaz gain, ogia egiteko labe propioa izango du; horrela, okindegi produktu freskoak bermatuko dira egunero; gainera, urdaitegian, langile bat egongo da.
Card image cap
2014/07/23

 

EROSKI/city bereizgarridun frankizia supermerkatua inauguratu du EROSKIk Zumaian (Gipuzkoa), Ardantzabide kaleko bederatzigarrenean. 290 metro koadro ditu, eta ekoizle liderretako, marka propioko eta tokiko 3.500 produktu sorta izango ditu. Saltokia irekita, lau lanpostu sortu dira.

EROSKI/city supermerkatu berriak janari fresko ugari eskaintzen du; bereziki, tokiko eta sasoiko frutak eta berdurak. Erreferentzi osasungarriko produktu sorta ere zabala izango da, baita produktu ekologikoena ere. Ogia egiteko labe propioa izango du; horrela, okindegi produktu freskoak bermatuko dira egunero; gainera, urdaitegian, langile bat egongo da, jendearen eskariak betetzeko. Hilero izango dira eskaintzak eta promozioak, kontsumitzaileak dirua aurrezteko modua egin dezan.

“EROSKI/city ereduko supermerkatuetan, laster eta eroso egin daiteke erosketa, eta beste saltokietatik bereizten da janari freskoen eta tokikoen eskaintza zabala delako; izan ere, kontsumitzaileak horrelako produktuak nahi ditu, gero eta gehiago. Horretarako, EROSKIk lankidetza akordioak egin ditu nekazaritzako elikagaien industriako euskal hornitzaileekin”, nabarmendu du Enrique Martinezek, EROSKIren frankizien zuzendariak.

Tokiko produktuak

Kooperatibak eta Eusko Jaurlaritzak lankidetza itun bat sinatu zuten 2013. urte bukaeran, tokiko nekazaritzako elikagaien industria bere osoan indartzeko eta sustatzeko. Itun horretatik, hogei garapen eta ekintza programa baino gehiago jarri dira martxan, enpleguen sorreran laguntzeko eta egungo ekoizleen aniztasunari eusteko; hala, kontsumitzaileei eskualdeko produktuak EROSKIren denda sarearen bidez eskura jartzea da asmoa. Produktu horiek lehentasuna dute EROSKI bere saltokietan ezartzen ari den Zurekin denda eredu berrian.

Banaketa komertziala