2017-08-23T17:48:13+02:00

Tresna pertsonalak

TUlankide MONDRAGON

EROSKIk 160 supermerkatu propio saldu ditu erdialdean eta hegoaldean 146 milioitan

2014/11/05

Hemendik aurrera, Díarenak izango dira saltokiak, eta bere gain hartuko ditu langileen kontratuak; beraz, ez da enplegurik galduko. Salmentak eragin positiboa izango du Taldearen errentagarritasunean, eta pasiboa txikitzen lagunduko dio. Taldearen Plan Estrategikoaren barnean dago sartuta operazioa, haren lehentasunezko negozioak indartzeko.
EROSKIk 160 supermerkatu propio saldu ditu erdialdean eta hegoaldean 146 milioitan

EROSKIk akordio bat egin du Día banatzailearekin, erdialdeko eta hegoaldeko 160 saltokik osatutako supermerkatu propio multzo bat saltzeko, 146 milioi eurorengatik. Desinbertsioak ez du eraginik izango enpleguan, operadore berriak subrogatu egingo baititu taldeen lan kontratuak. Salmenta akordioa gauzatzeko, Merkatuen eta Lehiaren Batzorde Nazionalak onartu behar du.

Saltoki horiek utzita, EROSKIk pasiboa gutxituko du, eta Taldearen errentagarritasun globala hobetuko, konpainiaren batez besteko efizientzia ratioen azpitik dauden aktiboetatik bereizi delako.

EROSKIko finantza zuzendariak, Rosa Carabelek, oso baikortzat jo du operazioa, "saltoki gehienak ez direlako iristen kooperatibak ezarritako errentagarritasun estandarretara". Gainera, Carabelek esan du desinbertsio honek eragin positiboa izango duela EROSKIren errentagarritasunean, epe erdira begira.

Operazio honekin, ari da kooperatiba Plan Estrategikoa betetzen, indarguneetan eta errentagarritasunean jarri baitu ardatza.

Operazio honen bitartez, EROSKI Taldeak Espainiako elikagai negozioaren denda sareari eutsiko dio, 90 hipermerkaturekin, 831 supermerkaturen jabetzarekin eta 448 frankizia supermerkaturekin. EROSKIren sarearen hedapen estrategia, aurtengo 53 irekierekin, frankizien garapenean oinarritzen da, oso eredu lehiakorra erabilita eta frankiziei errentagarritasun erakargarria eskainita; frankizia supermerkatuen sarean bigarrena da Espainian.

EROSKI Taldearen hipermerkatu eta supermerkatu sarea

ZONA

HIPERMERKATUA 

SUPERMERKATUA

IPAR-MENDEBALDEA

Galizia, Asturias

7

308

IPARRALDEA

Kantabria, EAE, Nafarroa, Errioxa

27

337

IPAR-EKIALDEA

Katalunia + Aragoi

7

345

ERDIALDEA

Gaztela eta Leon, Gaztela-Mantxa, Madril, Extremadura

13

39

SORTALDEA

Valentzia, Murtzia

18

BALEAR ALDEA

Balear uharteak

2

198

HEGOALDEA

Andaluzia, Ceuta, Kanariak

16

52

GUZTIRA

90

1.279


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak